Lehthah tthit-umnak kong

Tinhmi;     Lehthah tthit-umnak nih a tinhmi cu; Fanu/pa ngeihnak, Fimhchimhnak, Pathian fale karhter dingah, nu le va pehtlai tein duhdawt awk, nuva sinak le nuva si duhnak thinlung diriam ter ding hna an si.

 Catholic Khrihfa pakhat nih Catholic Khrihfa a si lomi (budang/lawkih mi) he lehthah tthit-umh a duh nain mah baiknak caah thinphan (hnursuan) lai ti a theih ahcun cu pa/nu he tthit-um ding a si lo. Va asiloah nupi i thim tikah ttha tein ruah hmasa a herh. Bupi nih budang he tthit-um khapnak cu:-

  1. Budang he tthit-umnak cu bu aa khatmi he tthit-ummi nakin tlamtlin lonak, nuamh lonak hna a tamdeuh ti kha a si taktak mi cazin laknak ningin a hmuh caah a si. Biaknak le zumhnak aa dan si cun tamdeuh cu lungkhahnak a um kho lai lo, lungrualnak a zorter.
  2. Budang he tthit-um a khapnak a hrampi cu a dikmi Bu pakhat lawng a um timi zumhnak ruangah a si. Tuukhal Siangbawi hna nih Khrihfa hna kha ttha tein cawnpiak ding a si.

Catholic Khrihfa hna lungkhah lungrualnak, nunnak ah tling cikcek in i fonh kho hna seh ti a duh caah budang he lehthah tthit-umnak kha tha a pek lonak a si. Biaknak le zumhnak he pehtlai in ruahnak aa khah lo tikah lungrualnak a hnursuan. Fale ca zong ah harnak a chuahter khawh.

Sihmanhsehlaw, tlamtlingmi ning cang te sinak konglam a langhter khawh i nu le va pahnih caah thlarau lei theitlai tthathnemhnak a um lai ti a si ahcun Bupi nih nawl a onh khawh. Tlamtling mi konglam cu, bianaah cu hmun ah Catholic Khrihfa an tlawmtuk (um lo), Budang pa/nu nih Catholic zumhnak kha ka pom lai, tiah cohlaannak (asiloah) Catholic chungah ka lut ko lai, tiah fek tein ruahchannak a um ahcun budang he tthit-um khawh a si ko.

Add new comment

10 + 0 =