Chin ramkulh he aa thlakmi thlairawl le thingkung cawhpawlh in cinnak

Chin ramkulh cu tlang tamnak hmun a si caah thlaici cin rianttuannak ah nuphung ningin lothlawhnak rian lawnglawng kha biapi ah chiah i an ttuan cio. Lothawh rianttuannak cu tupi le thingram dihlak kha vah, thianh dih a si caah thingram lothlawhnak, thlairawl hna kumkhat ca lawnglawng cin khawhnak, thlawhmi lo ti nih a einak ruangah vawlei ttolnak lawng si lo in pawngkam I kokek lothlawh phungning zong a rawhter.

Cucaah kannih chin ramkulh caah caansau cinthlaknak phungphai a karhnak ding ruahchan in hi thlairawl le thingkung cawhpawlh in cinnak kha hngalhternak kan tuah hna.

Thlairawl le thingkung cawhpawlh in cinnak timi cu ti-vawlei le kokek lothlawh phungning kha kilven ding, hmun um hna i hruk-aih eidin chappiak ding le cat lo phaisa luhnak ding ruahchan in thingram, thingkung hna kha thlairawl hna he hmun khat te in cawhpawlh cinnak in thingram hna a that thannak ding caah tuahmi thlaici cinnak phungphaipakhat a si.

Thlairawl le thingkung cawhpawlh cinnak phungphai (ning cang) ah tupi thingkung hna kha kumsau (a siloah) kum khat chungah ei khawhmi thlairawl hna he siseh, saram(satil) rawl asimi thingkung hna, ram hna, Pe a phungphung hna he cawhpawlh in cin a si.

Chin ramkulh cu a saan nak pea a thlaunak ningin thlairawl phun zong kha thim i cin thiam a hau ve. Bianaah a saan nak pe 1000 le 3500 kar lak ah lo hmun thiang tein hau, vah siseh law zawngtah, tore baa sendaang muici, fangvoi, fatun sen, fatun aihre le pe phunphun hna cin khawh a si.

Zawngtah kha kung khat le khat kar lak pe 30 le ttang khat le khat kar pe 30-40 tiang chiah piak lawngah a lawnnak hmun hna ah a dang khua caan thlak thlairawl hna cing khawh a si lai.

A sannak pe 3500 – 6000 khar lak ah lo hmun thiang tein vah, a si ah cun thawpat, coffee, tore baa, fangvoi, aa lu, tisik anhnah le pe phunphun cin khawh a si.

Thawpat kha kungkhat le khat kar pe 30 hlat le tlang khat le khat pe 30-40 hlat tiang chiahpiak lawng ah a lawnnak hmun hna ah a dang khuacaan thlak thlairawl hna cin khawh an si lai.

Coffee le tore baa hna i an that deuhnak cu naidem tangah cinkhawh an si caah lo hmun vah tikah a dihlak in hau dih loin thingkung hna kha naidem a herh zat lawng zorter (hau) in cin khawh a si.

Thlikhammi thingkung si nak in rua kung hna kha a chen nak paoh ah cin khawh a si. Ahuap pi in chim ah cun thlai rawl thingkung cawhpawlh in cinnak cu phun (3) in then khawh a si. Cu hna cu a tang lei zuk hmanthlak in ka langhter.

(1)Thlairawl le thingkung cawhpawlh in cinnak phungphai(ningcang)

(2) Thingkung le satil tlonnak (ramphong) cawhpawlh in cinnak phungphai (ningcang)

                                                   Tupi (Thingram)

                                         Satil zuatnak   / cinthlaknak                   

(3) Thlairawl, thingram (tupi), satil tlonnak(ramphong) cawhpawlh in cinnak phungphai (ningcang)

 

Add new comment

15 + 5 =