SERMI KOKEK PAWNGKAM HE PEHTLAIHNAK 

Kokek pawngkam

Minung huham timi cu sermi kokek pawngkam he pehtlaihnak cung zongah hram abunh. Minung cu Pathian muisam in sermi asi caah vanrang tawiah a laicer, asangbik asi i fimnak le dawtnak in vawlei pumpaluk kha Pathian duhning in ukding ah nawlpikmi asi. (Gen 1:28) cu bangin Pathian pekmi nawlngeihnak ruangah minung cu Pathian he siseh, mah bantuk minung he siseh, vawlei cung i sermi thilnung hna kokek pawngkam he siseh pehtlaih hawikomh nak a ngei lai.

                        Avoi hnih nak Vatican meeting ah,

            For Sacred Scripture teachers that man was created “to the image of God” … And was set by him over all earthly creatures that he might rule them, and make use of them, while glorifying God. Baibal chung ah minung cu Pathian Sui muisam he aa lo in ser asi i Pathian kha thang`hat bu in vawlei pi kha uk ding, mah nunawk le kokek pawngkam kha hman awk caah a pek tiah a cawnpiak.

            Cu caah minung `uanvo cu vawlei le kokek pawngkam kha Pathian duh ningin uk ding in le hman awk aherh. Minung `uanmi rian le sermi kokek pawngkam kar lak ah peh tlaih i komhnak cu a tluang ahau. Sermi thilnung hna le kokek vawlei pi cung ah upat hmaizahnak ngeilo in mah lungduh ning paoh in tuah ahcun sertu Pathian tinhmi he dairek aa ralchanh lai i minung huham zong kha dairek a ralchan. Cucaah kokek pawngkam cung ah Pathian duhning in uknak cu minung huham khamh asi i sertu Pathian kha thang`hat zong asi.

            Kokek vawleipi kha hrawh ruangah ruah ti an khen i khuacaan ningcang lonak hna, kokek harnak hna a tlunnak cu minung huham a hrawk tu asi. Cuca’h vawleipi cungah mikip nih upat hmaizah awk asi. Mah duhnak lawng siter nak hunchonak ningcang pakhat ruangah mi vialte harnak tonter ding in kokek pawngkam cungah duh paoh in tuah awk asi lo. Minung nunnak lawng silo in, kokek pawngkam he aa pehtlaimi thingkung, Pangpar le saram hna i an nunnak zong kha upat nak ngeih aherh ve. Phundang in kokek pawngkam cu minung huham kha akilven akhamhtu an si ve i huham ngeite in nun awk zongah a herhmi thazaang hna, si ai hna zong in an bawmh ve. Cu lengah kokek pawngkam timi cu nunnak angei mi paoh kha humhim nak a pemi minung hna i dornak inn nganpi asi. Cu caah kokek pawngkam kha mikip nih kan upat lai.