Hlonhmi Hnawm

Pawngkam Thurhnawmnak (Apeh)

22. Hi harnak piahtana hna cu hlonhnak tuah tawnning keel he pehtlaihnak a ngei i, cucu hnon a ingmi minung dot hna kha tampi a khonden hna i hmanmi thilri hna kha rianrang tein hmunthur pon sinak ah a thlenter.

Tahchunhnak pakhat ka langhter ahcun kannih kan chuahhlo mi cahnah hna kha seh chungah khumh `than i merter `thannak in hmankhawh mi cahnah hmuh`than khawh asi nain, fawitein kan hlonh ko hna.

Kokek vawlei ahhin biology nunnak ngei hna i aa thleng lengmang mi nun i heernak phung cu kan i zohchunhtlak asinain mi nih an cohlang duhlo. Thingkung, ramkung hna cu ram-ei saram hna caah an ei awk rawl asi i, cu saram hna cu sahrang hna i an rawl an sive. Cu saram hna nih an hlonhmi thurhnawm (an ek) hna cu non an si hoi i, cu non hna cu cithar peh thingkung le thlaici thar hna kha an kheoh ter.

Sihmanhsehlaw kannih sehzung ningcang hna ah thilthar chuahnak a dotdot a dih i, hmanawk thilri hna sinak in kan hmanhnu ah hlonh mi thilri hna le a hleivuang thilri hna kha hman`than khawhnak an ngeilo.

Kannih cu tulio mi hna le hmailei cipeh mithar hna an pahnih in an hmankhawhnak ding caah vawlei chungchuak thilri hna kha pehzulhin zohkhenh kilveng khawhnak caah hman`than khawhmi i heernak ningcang kha hman dingin kan ti kho rihlo. Culengah voikhatte lawng hmanmi vawlei chungchuak thilri hna hmannak kha asi khawh chung rikhiah semrel in tuaktan in hmanhnu ah `thawnnak a ngeihnak le a santlaihnak hna kha hmualngei tein hmanhnu ah (a ti titter i hman`than khawhmi thir, plastic tbk) hlonhmi thilri hna kha i heermi thilri chuahternak ningcang kha hmandingin i zuamnak kha tampi kan hmuh kho rih lo.

Hi kong he pehtlaihin thukpi khuruahnak cu vawleicung hmunzakip khonden a fahter mi hlonhnak tuahtawn keel kha a ralchanh i remhduhnak i tuahmi thil asimi ningcang phunkhat asi. Asinain hi a dal he pehtlaihin tahnak pakhat tiang lawng `thancho in a `tuan kha cohlan cio awk asi.