Mah He Aa Pehtlai Lo Tiin Lungput Ngeih Awk A Si Lo.

Mah He Aa Pehtlai Lo Tiin Lung Ngeih Awk A Si Lo

                     A luancia kum (50) lonh (1962) kum ah khan, America ram, Russia le Cuba hnahnawhnak ruangah, Vawlei pi hi nuclear raldohnak a chuakdeng mi ttihnung ral ha a rak ton lioah mithianghlim Pope John-23 nak nih a rak thanh mi ''Vawlei cungah Daihnak um ko seh'' (Peace on earth) timi cathluan ah raltuknak a hnon i Daihnak caah remnak tuahnak hna kha a langhter.

                     Pope John (23) nih cu cathluan in Vawlei pumpi um Catholic khrihfa vialte ca lawng siloin, lungthin ttha a ngeimi miphun vialte, Biaknak kip in nu, pa minung dihlak caah ruahchanh in Cathluan a ttialmi kha a si. Atulio caan ahcun vawlei cung pumpi kokek pawngkam thil sining hna rawhralnak kha zapi nih kan tonlio ah Nika, Van le Vawlei dihlak in Vawlei pumpi cungah idor in a ummi pakhat cio caah ruahchan in hi Cathluan in ralring peknak bia a chimmi asi. Keimah ka rak chuah mi Thawngtthabia in kan hmuh mi lunglawmh nunnuamhnak (The joy of the Gospel) Cathluan (2012) ah Biaknak lei rianttuannak hna kha zohfel tthan i chanthar chankhat caah a tharmi ningcang hna in biaknak lei rianttuannak hna kha ttuanchuah cio ding in Khrihfa Bupi hmun in Khrihfa chungtel dihlak kha a rak forh fial hna. Hi cathluan tu ahcun kannih vialte i hrawmmi inn a simi Vawleipi nih a tonlio mi thil sining he pehtlaihin mi phunkip, Biaknak kip in minung vialte he ceihkhang khuakhangtti duh ruangah ka ttial mi a si.

                 1971- kum ah (rianttuannak hmun i a herh lomi thil umtuning hna kha ramh dingin halnak, Pope leo nih a rak chuahmi cathluan kum 80 tlinnak) "Vawlei ah Daihnak um ko seh" timi cathluan a rak chuah i kum( 8) a tlin tikah a sungmi (Blessed) Pope Paul VI  (paruknak) cu minung pawngkam rawhralnak kong a thin a phang i minung nih kilvennak umlo kokek pawngkam cung i tuahtonak hna ruangah a chiahru tuk mi a hnuzulh tthathnem lonak hna he a ton khawh mi a si kha hitin a rak chim.  Mi hna cu kokek Vawlei chungchuak thilri hna kha a palh mi tinhnak hna in mah ca tthathnemnak caah a miak lak ding menmen in an i ruahchan i, soksam in an hrawk cio caah kokek pawngkam a rawk i mi zate cu mi (hostage) bantuk a si khomi ttih nung ral he an i ton  (Pope Paul VI) .

                     Cun Pope Paul VI Cu UNO in ( Eidin lei le thlai cinnak rian) Food and Agriculture Organization of United Nation he pehtlai mi phu i meeting pakhat i (cuhe aa khatmi biafang kha a rak hmang i) bia a chimnak ah seh lei rianttuannak hna hrambunh mi zatlang nunning zulhphung (upadi) ruangah a chuak kho mi kokek pawngkam hliam in a rawk kho mi ttihnung ral he a ton awk a si i minung nih an ttuan mi hna ah a hram in rianrang te thlennak a herh tiah biapi ah chiah in ralrin peknak a rak chim. Teikpan he pehtlai mi chan he tlaaktthan karhchonak, theihhngalh fimnak, thiamnak, zatlang nunphung he pehtlai mi nunning ziaza he pehtlai mi, peng le ram hna zongah tthanchonak hna he khahchunh in tthanchonak a umlo ahcun, cu hna cu minung kha a ralchanh i, nikhatkhat ahcun minung kha harnak a pek khawh (Pope Paul VI).

Kan peh`than lai ...