Pawngkam Rawhral Lo Dingah Pope Francis Cathluan

Vawlei caah Pathian nih a chiahmi program

     Pathian nih minung hi amah muisam he i lawh in a kan ser

(10) Pathian le minung i komhnak ( pehtlaihnak) a ttha lai.

(2) Minung pakhat le pakhat pehtlaihnak a ttha lai.

(3) Minung le pawngkam rualremnak a um lai.

(4) Minung cu mah hakkauhnak, mah calawng ruahnak, hornak lungthin

     namnehnak... tbk in lunghtin thalo hna kha a uk kho lai.

              Vawlei thawkka ah minung hi kapli in pehtlaihnak a rak ttha. Minung nih Pathian khuakhannak zulh loin mah duh ningin an rak nung ruangah a halo sualnak a ra lut. Thiltthalo sualnak nih a khuhchilh ruangah minung an rak rawk. Minung cu mah hakkuahnak, mah calawng ruahnak, hornak, namnehnak.. tbk in lunghtin tthalo, lungpuarnak hna ukkhawhnak kha an rak sungh. Sualnak ruangah kapli pehtlaihnak cu a rak rawh.

              Pawngkam a rawhnak cu Minung ruangah a si. Minung hakkauhnak thinlung le micheukhat tthathnem nak calawngah an ttuan i, hmailei ninung ca ruat loin vawlei chung chuak thilri hna kilveng loin an rak cawh, an rak lak dih. Kokek pawngkam khamh duh ahcun Kokek zohkhenh kilvennak lengin minung lungthin, lungput zong i remh chih a hau.  Bawipa Jesuh cu sermi silio um tungin laktthanpiak dingah a rak rami a si. " Nan caah a tlingmi ( kenkip a tthanchomi) nuning ziaza nan hmuh khawhnak hnga hi vawlei ah ka rak ttum" ( Jn; 10; 10)

             Minung lungthin siamremhnak; Minung cu kakkauhnak thinlung remh i a hlu pek siannak, bawmhchanhnak, semrelnak , thilri i hrawmh hmanttinak. zawnruahnak lungthin kan ngeih lai. Mah calawng ruahnak in zapi cattuannak lungthin kan ngei lai. Hor duhnak thinlung kha nupi pakhat va pakhat rikhiah chung ah chiah a silai. Namneh nakin zaangfah zawnruahnak, upat ttihzah in i komhnak, mah tthathnemnak hlawtin zapi ca tthathnemnak a tuahtu kan si lai. Lungthin tthalo ukkhawhnak cu Pathian thluachuah veel bawmhnak in kan hmuh tthan khawh.