Pawngkam thurhnawm nak le khua caan aa thlennak

Pawngkam thurhnawmnak, sawksam nak le thletnak tuah tawn keel rian.

Pawngkam thurhnawmnak, Sawksamnak le thletnak tuah tawn keel rian

                  Pawngkam thurhhnawmnak muisam cheukhat cu nifate minung kan nunnak ah kan tonmi asi. Pawngkam thlitu a hnawm caah a bikin misifak hna caah ngandamnak lei hliamnak phunphun kha kaupi in kan hmuh khawh i cu ruangah minung nuai tampi kum notein an thih mi kha kan hmuh hna. Tahchunhnak ka chim ahcun rawlchuannak ah siseh, ihnakkhaan a lum pek nak seh hna raungah siseh, hmanmi datsi hna in a chuak mi meikhu hna kha tampi dop sualnak ruangah ngandamnak a derthaumter.

                Mikip nih kan ton i dan (fahnak) kan ingtuar mi pawngkam thurhnawm nak chim ahcun ttunkal nak ah hmanmi motor hna le sehzung in a chuakmi meikhu hna, cungthap Vawlei ttha tang a zutmi chemical thilri hna, a thurhnawm mi ti hna, non (chemical non) hna, rungrul thahnak si phunphun hna an si.  Sipuazi mirum hna caah tthathnemnak a pemi ningcang fimthiamnak cheukhat kha kokek pawngkam piahtana vialte kha a fianter khomi ningcang pakhat te sinakin an rak langhter cio nain, ngaite ah cu hna cu harnak piahtana hna i khuaruahhar a simi pehtlaihnak kha hmuh loin, harnak pakhat lohtlau dingin fianter mi ningcang cu caancaan ah a dang harnak (piahtana) thar a chuahtermi lawng a tanter.

                Sehzung hna in an hlonhmi, hlawtmi thilri hna, hmunthur hna, hmun tampi ah kan hmuhmi si-vai a sitermi thilhna, nunnak ngeimi saram paoh, caah ttihnung a siter mi thil hna kong zong betchih in ruah awk a si. Kumtin ti bantukin sehzung hna nih an hlonh mi thilri hi ton nuai tampi kha a chuater i cu hna lakah tamdeuh cu thilnung paoh caah a thahnem lomi an si i, sivai tampi aa tel hleiah ral a tam mi dat nichawn zong aa tel. Cuhna cu sehzung rianttuannak zung, sipuazi rianttuannak hna, innsak nak lei rianttuannak hna, innhlun hna tthehnak hna, sizung sikhaan hna, lektrik le lektrik lei rianttuannak hna, in hlonh mi thilri hna an si.

Add new comment

2 + 5 =