vawlei phung a si ko

Pawngkam

               Mino hna cu pawngkam kha an ttih thiam. Sersat zawmtaihnak in luat ding ah tuahsernak cu a hmaan mi tuah ding nak in a biapi deuh tiah an pomttheu. Mikip cu a herh lo ah pawngkam ceih phainak kha zei rel awk ahau lo. Asinain mah lungthin a thian ningtein tauh awk a si kha philh ding a si lo. " Ka tuah lai", ka tuah lai lo" timi lawng nih vancung ram an phakter lai. Mah pum kha na sungsak i na lungthin a hak ahcun pawngkam kha zeirel ralring a herh lo.

              Man ngeilo thangtthatnak bia pakhat caah nangmah le mah i hleng hlah, mi hna cu santlai lomi bia hna, thangthat bia hna lawnglawng an tuah a fawi. Bianaah kan nih cu, santlai lomi bai hna chim loin kan i sumkhawh ahcun phan awk a um lo. Pawngkam nih ceih phainak cu a hrangmi thli he aa khat. Atan i a hran khawh tikah a lo tthan. Abiapi mi cun kan chim cangmi bia cu zeitluk dah a biapit ti lawng tuaktan ahau. Mah nih pomnak hna cu midang he ton sual lo, aa ral chanh tikah ralrin awk asi mi cu ka ruah nak a hmaan taktak mi a si maw tikha cekhlat ( tuaktan) ahau.

              Voitampi kan ton thiam mi cu khi bantuk cekhlatnak men in kaphnih a hmaan mi a zaceo aa tel mi kha a si. Keimah lawnglawng ka hmaan, midang cu an palh timi rauhnak cu a si tawn mi vawlei phung a si ko. Cucaah na lungthin kha dingtein cekhlat tuah. A palh mi kha raltthatein cohlan ko. Pawngkam bia kha biapi ah chiah a hau lo. Pawngkam ralrin tuk nak cu mi tampi kha a palh mi lam ah a hruai hna.