Alexandria khua in Mithiang Cyril

June, 27

 ST. CYRIL OF ALEXANDRIA (BISHOP LE DOCTOR)

(370-444)

            Alexandria khua i Bishop Cyril cu 370 kum ah Izipt ram ah a chuak. Siangbawi ordination a lak hnuah a pu a simi Alexandria khua i Bishop pa kha a bawmh i 412 kum ah a mah i rian (Bishop) kha a chan. Nu Maria kha Pathian nu a si tiah a pom lomi ruahnak kha a doh i Pathian nu a si ko tiah fakpiin a dirkamh caah amah cu “Pathian i minung a cannak he aa sengmi Biathiang Saya” tiin min thangmi a si.

Cyril cu Constantinople khua i Bishop caah rian an pek hnu ah 428 kum ah Nesrius nih Bawi Jesuh ah hin Pathian sinak le minung sinak pahnih a dang tein a um i, anmah kha `hatkhunnak leikap in aa fonh ca tu ah pehtlaihnak a ngei tiah a cawnpiak hmasabik. Amah (Nesrius) cu Pathian i minung a sinak le Nu Maria nih Pathian nu a sinak kong kha a al mi a si. Cyril cu 431 kum ah an tuah mi Council of Ephesus kha a rak hruai hna.

Mah meeting pi ah Nesrius cu Pope pakhatnak Selestine i nawl peknak (aana) in bupi chung in an chuah (an `hawl). Cyril cu Catholic zumhnak kha a dirkamh mi ca hna kha `ialnak in a nunnak kha manngei ngai in a hman. Amah cu kum 444 ah a thi i 1882 kum ah cun Bupi i doctor a si tiah an thanh.