Mithiang Agnes

January, 21
ST. AGNES(Ngaknuthiang, Martyr)
Tuu fate tiah minpek a simi, St. Agnes cu aa dawh ngaimi Rome nungak pakhat a si i a pum kha Pathian sin aa pekchanh mi a si bantuk in chungkhar ser ding kha a duh lo (a al). Amah a helh mi tlangval hna kha ka nungak thiang sinak cu mit in hmuhkhawh lo mi vancung i a ummi tlangval pa ka pek cang tiah a ti hna. A fekmi a bia khiahnak kha thlenter khawh a si lai lo tiah a hngalhmi mino tlangval hna cu, a hnubik ahcun Khrihfa pakhat asi tiah sual an phawt. Kum 12 a tlin AD 304 kum ah biaceihbawi hmaiah an chuah pi. Biaceihbawi nih nemtein lemsoi le `hihphaihnak zongin bia a hal len zongah a biakhiahnak cu a thleng hlei lo. Meiphu in an hremnak thilri hna hmuhsakin a `hihphaih zongah St. Agnes cu zumhnak le ral `hatnak he fektein a rak ing. Cu leng ah nu `halo inn ah an kuat. Amah sualpi dingah aa zuam mi tlangval pakhat pa cu a mit a rak caw. A rauhhlan ah a lu an tan i Nomantana lam i lungkua thlan ah an rak vui. Amah kha upat peknak caah cu hmun ahcun Biakinn pakhat kha AD 350 kum ah an rak sak. An thah hlan ah St. Agnes nih a chimtak mi cu “Ka thi nih na vainam ah aa neh ko lai nain Jesuh Khrih ka pekchanh mi ka pum cu zeitik hmanhah nan thurhhnawmh ter kho lai lo,” ti asi.
Tuahtawn ningin a puaini a si mi 21 January ni ah Rome khua i a Biakinn ahcun Tuu pahnih in rai an thawi. Cu Tuu pahnih hmul hna kha Palia timi Bishop hna upatnak hngawng oih ah an tah i St. Peter le St. Paul puai ni a phanh lai zan, St. Peter Biakinn pi biak`heng cungah an chiah tawn. Cu huham ngei hngawngoih cu St. Peter le amah a rawltu Pope hna sin in a ra mi nawlngeihnak hmelchunhnak caah Bishop hna kha an pek tawn hna.