Mithiang Anthony of Zaccaria

July, 5

ST.ANTHONY ZACCARIA (SIANGBAWI, 1502-1539)

Clerks Reqular of St. Paul bu kha a thawktu mithiang Anthony cu Italy ram Cremona ah kum 1502 kum ah a chuak. A pa nih tuante ah a thihtak i a nu nih thlarau lei `hawnnak caah a cawnpiak. Amah cu a bik in misifak hna zawn a ruat mi a si. Amah cu Padua khua siilei University ah a cawng i kum 22 a ti ah a cawn ciami thiamnak kha hman awkah inn lei ah a tlung`han.

Asinain chitkhatte ah a hmanmi Pathian auhnak kha a tawn i mi pumsa thlopbulnak nakin thlarau lei thlopnak a herhnak kha aa fiang. Cuti a si bantukin amah cu Bible lei fimthiamnak kha a cawng i mino hna kha Pathian bia (Biakinn lei zumhnak) cawnpiak hram aa thawk. Kum 1528 ah Siangbawi cannak a hmu i Milan khua ah a `hial hnu ah a vakvai mi nuno hna khamhnak ca i an timh mi Nubu pakhat a sertu hna kha a bawmh hna. Kumhnih a rauh hnuah “Atu le a tu Thawng`ha bia chimnak, mi hna kha Sacrament tlak tein hmuhkhawh nak caah a bawmhnak hna in Bupi kha tharchuah `han dingah” ti mi ruahchannak in a hawi Siangbawi pahnih hna he “Clerks Reqular of St. Paul” bu kha an thawk.

An bu i zungpi cu St. Barnabas Biakinn ah a si caah a chungtel hna cu Barnabites tiin an min a lang. Mah bu i chungtel hna cu Biakinn le chawdawr hna i Pathian bia phuannak hna ah an bawmh hna. Mithiang Anthony cu lamkaltu rian kha chunzan ti loin, thabat khawh lo tiangin lungtho ngai in a `uan caah a tha a dihtuk i kum 1539, kum 37 a ti ah a thi.