Mithiang Bruno

October, 6

ST. BRUNO (1030-1101)

          Mithiang Bruno cu Carthusian bu a dirhtu a si i 1030 AD kum, Kolan khuapi ah a chuak. Siangbawi cannak a hmuhhnu Rome khuapi i Cathedral Biakinn ah kum 18 chung a min a thang i amah cawpiaknak thawng in mifimthiam tampi a chuahter hna.

A cawnpiaknak zong a thiam tuk i a tthatuk fawn. 1074 kum ah Cistercians yateh Sianginn ah a lut . Amah cu hawikom tlawmte he hmunkhatte ah thlacam tti le sual dantat innak nunnak kha a hruai hna i a tuahpi hna.

 Kum 10 a rauh hnuah Carthusian phu kha dirh hram an thawk i thingram le tlang a tam i minung an phanh tuklonak Chartracse ah a rak tthial. An thlacamnak caah Biakinn le pakhat cio umnak dingah a khaan hme tete zong a sakpiak hna; cu hmunah nu luhchuah lo dingin a khap hna. Zapikomh cazohnak le Missa tuahnak (Bawipa thisa sernak khaan) caah chiahmi tangka, a thi hrai fate lengin thildang zeihmanh an ngei lo. Annih cu a zeilei paohah an si a fak. A biapibik an rian cu thlacam le cacawn hi a si

          Mithiang Bruno cu a hmai aa panh zungzalmi lungthinthiang a ngeimi a si. Amah cu AD 1101 kum ah Italy ram Kalabria khuapi i zateik Sianginn thlacamnak khaanah a nunnak a dih. Bupi nih Katusin bu kha nunnak caan cekhlat le ruah`hannak caah a tling cikcekmi zohchunhawk `ha bu a si tiah an fehter.