Mithiang hna

September, 16

SS. CONELIUS LE CYPRIAN (Pope, Bishop & Mtyrs)

            Mithiang Conelius cu kum 251, uktu Dichius nih Bupi kha a hrem lio caanah Pope ah an rak thiammi a si. Pope a can hnu a rauh hla ah Africa i zumhnak a rawkmi hna karlak ah i alnak a rak chuak. Zumhnak kha an kaltak i Catholic Bupi kha a kaltakmi hna kha a cheu Siangbawi hna nih Bupi in thawl an duh ko nain a ni ngaihciah i Bupi chungah rak lut `han an duh a si ahcun cohlan `han ding ah Cartech Bishop St. Cyprian nih ruahnak a chuah. Cucaah Pope nih mah hna kha cohlan `han ding ah biachah nak a tuah tikah Nawvesian cu Pope bia zulh duh lo in amah pumpak zong kha Pope he a ralchanmi tiah aa ti. Amah cu Bupi tuanbia ah Pope a ralchanh hmasabikpa a si. Cucaah Bupi chungin an `hawl. Asinain amah nih a hruai mi hna cu kumza tampi an nung. Kum 253 ah uktu Siangpahrang Gouluh nih bupi kha fakpiin a hrem `han hna. Conelius cu Sivitavichia leiah `hawlnak dan an pek i mah khua ah cun sifahharnak ruangah a thi. A hnu lawngah a ruak kha St. Calestuh thlan kua lei ah an `hial i an vui.

            Ahnu kumnga a rauh hnuah Bawipa Jesuh kha tehte khaan awkah St. Cyprian caan a hungchuak ve. Siangpahrang Galarius Maxima cu St. Cyprian kha na reng kainak caah Siangpahrang kha na biaklai tiah a rak ti. Asinain thilhman kong ahcun zeihman ruahchih a herh lo tiah a rak leh. Cutin bia a leh ruangah Siangpahrang panih nam in thah awkah nawl a pek hna. Cutikah Pathian cungah lawmhnak ka ngei tiah a rak ti rih. Cuka hmun zongah cun Khrihfa hna buainak a um i mibu tampi hna cu amah hnu an rak zulh. Cu hnuah amah a tha tu pa kha suitlang 25 a pektak i thahnak a in hlanah cuka hmun ahcun a khup aa bil i thla a camtak. Amah cu biathiang caah a nunnak a pek i a rauh hlanah Siangpahrang Galarius Maxima zong a thi ve.