Mithiang Januarius (Bishop le Martyr)

September, 19

ST. JANUARIUS (+305) Bishop & mtyr

            Nepe khuanu khuapa hna zohkhenhtu St. Januarius cu kum zabu pathumnak a dih lai ah a chuak. Dioclesian chan Khrihfa hna an hrem caanah khan St. Januarius cu Benebanko khua ah Bishop a `uan liote a si. Deacon pahnih hna le Khrihfa pahnih hna cu an zumhnak ruangah thong an thlak hna tithawng a theih tikah vachawnh hna awkah bia a chah. Vanchiat ngelcel ah an rak tlaihsual i sahrang hna rawl ah an pek. Asinain zaang celhnak zungah a um mi saram hna nih zeihmanh harnak an rak pe lo. Cucaah Ponphiuoli sinah an kalpi i a lu an tan i an thah.

            Amah thi kha ti sawhsawh leiah a thlentermi huham ruangah nikhat hnu nikhat a min thang chinchin. Nepe khua laifang Biakinn chungah an fimmi a thikhal thilhlun hna kha mipi sinah kumkhat voihnihthum an hmuhsak hna. Achel ah Siangbawipa nih thilhlun khumhnak thol kha a lettalam in a chiah sual tikah Missa ah hman mi mitsur zu cu thi ah aa cang. Mah mithiangpa thi hlei ah a dang khuaruahhar huham hna zong an hneksak. A thi cu ah a thlennak cu mi zeibantuk scientist hmanh nih an al kho lo. Chimphungbia bangin “zumtu hna caah zeikhuaruah har thilhmanh a herh lo. Asinain a zumlotu hna caah cun zeibantuk khuaruah har huham hmanh nih a za ve lo.”