Mithiang Jerome

September, 30

ST. JEROME (348-420) Doc & Bp

            Bible ca lehnak leiah sayaci pakhat a simi mithiang Jerome kha Dalmatia khua ah 340 kum ah an rak hrin. Kum 18 a ti ah Rome khuapi ah tipilnak a in i Biaknak lei thiamsang upa hna kuttang ah ca lei fimnak a rak cawng. Abik in chimrelnak lei ah saya pakhat a simi Cicero kha a rak aur bik.

            374 kum, nikhat ah Jerome cu fakpiin a zaw i a zawtnak a fakbik caanah mah le  mah kha Jesuh Khrih biaceihnak `hutdan hmaiah ka phak tiah aa ruah. Ahodah na si tiah an hal tikah Khrihfa pakhat ka si tiah a leh hna. Cu tikah Pathian nih “milih na si, nang cu Cicero hnuzul pakhat na si. Zeitindah a si ti ahcun na lungthin cu na upat le man na ngeih termi nangmah cungah a um caah a si” tiah a ti.

Cuhnu ahcun a nunnak kha Pathian rian `ha `uannak lawngah aa pek cang. Syrian thetserawn ah kum tlawmpal Zateih nunnak phungbia aa zuam hnu ahcun St. Jerome cu Siangbawi cannak a lak i Rome khua Pope Damasus i Secretary tuan dingin an auh. A puanhrangnak ziaza kha hlawtawk le thisa in pumsa sualduhnak kha daihter awk caah Bible relnak le Hebrew holh cawnnak lawngah a lungthin kha a chiah.

AD 385 kum ah amah cu Bethlehem khua i lungkua hmete pakhat ah aa din i Bible ca kha Latin holh ah lehhram aa thawk. Dinhlotein kum 40 chung aa zuam. (The Vulgata orpopular edition) cu Catholic bupi i pakhat lawng a simi holhlet mi Bible tiah an rak cohlan. Isaiah Bible hrilhfiah (commentary) ah a `ialmi cu “Bible zeirel lo cu Jesuh Khrih zeirel lo a si” tiah a `ial. Kum 400 ah Rome khuapi cu Baberian mi`halo hna nih an tuk an tei caah mi tampi cu Bethlehem bantuk lamhlatpi ah an zam.

Jerome cu a rian kha chitkhat a ngolta i mi sifak hna kha a bawmh hna. A chimmi cu “Nihin kannih cu Bible Pathian bia hna kha kuttongh tuahser bantukin a sullam kan leh lai” ti a si. St. Jerome cu rian aa zuamnak, sualngeihchihnak he fakpiin sualngaihchih bu in kum 420 ah a thi.