Mithiang Lawrence (Brindisi Khuami)

Brindisi khuami Mithiang Lawrence

July, 21

BRINDISI KHUA I ST. LAWRENCE

(SIANGBAWI, BIBLE FIMTHIAM)

            Kapuchin zateih hna chungin a larbik mi phungchim Siangbawi mithiang Lawrence cu Italy ram Brindisi khua ah 1559 kum ah a chuak. Kum (16) a ti ah Benona i a ummi Kapuchin Franciscan Sianginn ah a lut i a min zong kha Sizarel khua in Lawrence tiah a thlen. Padua University ah Philosophy le Bible lei fimnak hna kha a cawn lioah holh phunkip le Bible lei thiamnak ah khuaruahhar awk tiang in a thiamnak kha a langh ter. Siangbawi cannak a lak hnuah a `thawng mi phungchimtu tiah Europe ah a min a lang. Amah cu Bible fimnak lei cauk hna kha a `tial hlei ah Judah miphun hna an lung an i thlen khawhnak tiangin a tuah khawhmi a si. 1598 kum ah Pope Clement VIII nih mithiang Lawrence kha lih le hrawkhrawlnak kha khawmh awk ruahchannak in Germany ah Kaluchin Zateih Sianginn a onh ter.

            Amah a thianghlimnak ruangah Hungary ram a `thihphaihtu Turkey ralkap hna kha tuk awkah Empire pa (2)nak Kudoff nih a thlahmi hna kha a zohtu Siangbawi ah an pek. 1601 kum ah a chuakmi Zakefezava ral hlan deuh ah ral hna i cheuli cheukhat lawng a simi Khrihfa hna kha `thanghnak bia a chim. Cuhnuah amah hrimhrim nih Vailamtung kha a put i an hmai ah Rang aa cit i a hruai hna. Turkey miphun an sung i Europe ramchung dihlak ralkut in an luat dih. 1602 kum ah an tuah mi an bu meeting ah amah kha Kapuchin lutlaitu ah an thim. Amah cu a `tuanvo kha heh tiah thazaang chuah in dawtnak le siaherhnak lungthin he a `tuan. Amah cu lamkaltu rian kha lungsau tein fakpi in a `tuan buin thlacam mi hna fimthiamnak hna kha thukpi in a cawng chih mi pakhat a si. Amah cu 1619 kum ah Carselta khua ah a thi.

Add new comment

7 + 13 =