Mithiang Peter Claver

St.Peter Claver

September, 9

ST. PETER CLAME (1581-1654) SIANGBAWI

            Amrerica Kontinent um Negro miphun hna zohkhenhtu mithiang Peter Clame cu 1581 kum ah Spain ram Vadu khua ah a chuak. Amah cu ramthar lei phungchim ding ruahchanhnak he kum 20 a si ah Jesuit bu ah a lut. Kum tlawmpal a rauh tikah Columbia ram Cartergina khua leiah an thlah i, cu khua ahcun Siangbawi caannak a hmu. Cuhnu thawkin a phungchimrian cu Africa lei in salzuat awk in Coloni thar ram leiah an rak auhmi hna Negro sifak hna caah a pum a pe. Amah le amah kha Negro miphun hna caah rian`uantu tiah a timi Peter Clame cu annih kha phung a chim hna hlanah si-ai le eidin rawl kha a pek hmasa hna. A bawmtu Siangbawipa zong kha “kanmah cu mi sifak hna kha kaa in kan chim hlanah kutin bia kan chimh hna lai” a ti.

            A chan chungah sal tingthum nak tlawmlo kha tipilnak a pek hna. Nikhat ah nazi 15 chung sual a thlahpiak hna. Biakinn chung lawng siloin chawdawr hna zongah Khrih kong a chimh hna. Cartergina thonginn i a ummi thongtlami hna thlarau ca zong a `uanpiak hna. Mah ram i rian a `uan chungah amah sinah thlarau lei a herh mi bawmhnak hal loin an thahmi an um tuk lo. Acaan donghnak kha sifak ngai le harsat ngai in a dihter i 1654 kum ah a hohmanh cawngh hram loin a thi. Anun lioah a chim mi bia cu “Kei cu Laa pakhat nunzia kha i cawn ka duh, Amah cu Laa pakhat a si ko caah zeibantuk sican nak a phak zongah zeitikhmanh ah a zai bal lo, cu a si caah Pathian rian`uan tu hna cu kan si awk a si,” tiah a chimtak.

Add new comment

3 + 9 =