Mithiang Vincent Ferrer

April, 5
ST. VINCENT FERRER (1350-1419)
(SIANGBAWI)
St. Dominic Zateih bu in phungchim lei ah minthangbik a simi St. Vincent Ferrer cu kum 1350 ah Spain ram Valencia khua ah a chuak. A nu le a pa nih mi sifak hna dawtthiam nak, cacawn nithum ni le zarhteni ah rawlulhnak le Jesuh le Nu Mary upat thiamnak kha an rak cawnpiak. 1374 kum ah St. Dominic Zateih bu ah a lut i a min a thang i mitampi nih theihmi phungchim pakhat ah aa chuah. A phungchimnak cu hmunkip ah a hleikhun in teinak a hmuh. A hawi Siangbawi hna kha, “Nannih phung nan chim tikah a fiang i theih fawimi biafang nan hman lai, mi tamdeuh nih theihmi holh nan hman lai i tahchunhnak hna nan telh lai; phung ngaitu hna lungthin ah, keimah pakhat lawng hi a ka chimh tiin an ruah khawh tiang nan tuah hna lai. A har i aa tuaitam mi phungchimnak cu mi zaran nih `ha tein an thei kho lai lo,” tiah a chimh hna.
St. Vincent cu Europe ram vialte a vak i sualnak kong, thihnak kong, Hell kong, zungzal nuam Vancung ram kong le minung hi duhsah tein ni Hmanungbik Biaceihnak Ni lei ah kaarhlang mi kan sinak kong hna kha a bikin a rak chim. A phungchimnak a rak ngai balmi, mi tamdeuh cu an sualnak an i ngaichih i an sualnak an cohlan khawh tiang a phungchim a `ha tukmi mithiang pakhat a rak si. Siangbawi tampi nih an rak zulh i a rian an rak bawmh. Amah a bawmtu, khualtlawng `imi Siangbawi hna kha, “Sualthlah nan ngaihpiak hna tikah dawtnak hmai nan sakter lai, zaang dermi hna kha nunnem tein tha nan pek hna tikah siseh, a lung a khongmi kha Pathian `ihzah awk nan cawnpiak hna ah siseh lungthin thiang dawtnak a kan forh timi an theihkhawh tiang nan chimh hna lai” tiah lam a hmuhsak hna. St. Vincent Ferror kum 1419, France ram Venas khua ah a hnubik phung a chim lio pi ah a thi.
Photo:credit