Mithiangthiang Comos le Mithiang Damian (Faphir unau)

September, 26

SS.COSMOS & DAMIAN (+283) Mtyrs

            Thlopbulnak bawi pawl a bawmtu le a zohkhentu mithiang St. Cosmos le St. Damian hna cu Arabian ram in faphir unau an si. Anmah cu Syria ram ah sii lei thiamnak an cawn hnu ah Ceilisia ram Agia khua ah an um i cu pengah cun thiamsangmi thlopbulnak bawi ah an chuak.

Anmah cu an thiamnak kha teingai in `uan ko hna hmanhsehlaw thlopbul man phaisa an la lo. Cubantuk tuahsernak in mi tampi kha Khrihfa ah an canter. 283 kum Dioclessian miphun hna hremnak tangah anmah cu vailam an tah hna i an tan an thah hna. Zawtnak tampi in khuaruahhar damnak an hmuhnak cu anmah thawngin a si tiah an ruah.

A caancaan ah cu mizaw hna an mang ih langhnak an hmuhter hna i mah mizaw hna kha sidin awk an chimh hna. Mah hna chungah uktu (I) Siangpahrang Justinian zong a tel ve. Rome i a ummi Biakinn nganpi telh in Biakinn tampi hna cu hi martyr hna pahnih kha upat peknak in an sakmi a si.