ROME BUPI Chungin Hmasabik MARTYRS Hna

First Martyrs in Rome

June, 30

ROME BUPI CHUNGIN HMASABIK MATYRS HNA (1st Martyrs of the Church of Rome) (64)

            Rome Bupi chungin hmasabik martyrs hna cu kum 64 kum, Nero Siangpahrang chan chungah a chuakmi hremnak nganpi ah khan a nunnak aa pemi hna an si. Mah kum ah, Rome khua ah khan ni 9 chung`ih a nung ngaimi mei kanghnak a rak chuak i khuapi cheuthum cheuhnih kha mei nih a rak dolh hna. Mei a kangh a nithumnak ah Nero Siangpahrang pa cu Moecenas khuacuannak (Tower of Moecenas) cungah a kai i mei a kanghmi kha a zoh i aa lawm ko nain nangmah hi meiduahtu na si timi kha a lungchung in a in. cu caah sualphawtnak in luat khawhnak caah Khrihfa hna kha meiduahtu an si tiah a puh hna i hremnak hram a thawk.

            Khrihfa hna cu minih sersat le fih dingin langhternak (piah) nak kha an in i, Nero dum chungzan ah an tuah mi puai ah an thah hna. Mitam pi hna cu sahrang hna i an vun in an zual i an `hit chih hnu ah a rawl a `am ngaimi uico hna rawl ah peknak kha an in. Acheu hna cu vailamtung cungah an thlai, a cheu hna cu an pum cungah datsi an toih hna i a zum ngaimi fungin an sawh hna hnu ah meifung bantukin mei in an duah hna.

            Hibantuk in `ih a nungmi hremnak hna cu Rome khua mi hna caah thinphang thlalaunak, zaangfahnak lungthin kha a chuahter nain mah zumhnak ruangah thihnak a in mi hna (martyrs) i tehte an si nak ruangah mi tampi hna cu, Jesuh Khrih a min kha an rak zumh cio hna.

 

 

Add new comment

7 + 13 =