Van Ralbawi Pathum

September (29)

VANCUNGMI HNA ( Michael, Gabriel, Raphael)

             Vawlei a semhlan tein Thlarau lawng a ngeimi Vancungmi hna cu Pathian nih a sangbik dot in a rak ser cang hna. Annih cu pum ngeilo, a thi kho lomi Thlarau an si. An min cu anmah le an `uan mi `uanvo cioin Pathian nih a pek hna.

            “Pahtian he aa lomi” tiah sullam a ngeimi Michael cu khuachia hna tukawk ah `uanvo pekmi a si. Pathian aana ka chutlai tiah aa timmi Lusifer kha Vancungin `hawl awkah `uanvo an pek. Cu hnuah Vancungah ral a tho. Michael le a Vancungmi hna cu limkeng kha ral an doh. Limkeng le a hawile cu umnak an ngei lo (Bia; 12:7-8) Michael cu ni fate khuachia ral kan do tikah a kan bawmh. Khuachia hna cu vawlei caan a dongh tikah an sungte lai. (Bia; 20:10)

            Vanbawi Gabrial (Pathian huham) cu Pathian i a thawngbik (asangbik) mi huham aana kha thanhawk caah tavuan an pek. Anih cu nungak thiang Mary sinah Jesuh (Bawi Jesuh) na hrin te lai tiah thawng`ha a thanhtu a si. Bawinu nih kei cu nungak thiang pei ka si cu a ti tikah, Vanbawi Gabriel nih “Pathian nih a tuah khawh lomi thil zeihmanh a um lo” (Lk; 1:37) tiah aleh. Gabriel cu thawng`ha a phuangtu hna kha abawmh hna i ruahchannak um ti lo tiangin harnak (piahtana) kan ton tikah a kan bawmhtu a si.

            Raphael (Pathian i thlopbul lei bawi) cu pumsa le thlarau a dam lomi hna kha thlopbul awkah aana pekmi a si. Anih cu Tobiah kha lamthluan kipin a rak zohkhenh i Tobiah a nupi thit zan zongah khuachia ral in a khamhpiak. Tobiah a mitcawmi zong a damter. A sining hmaantein (Vanbawi asi nak kong) a langhter hnuah, Tobiah kha “Keimah cu zungzal nungmi Pathian hmaika ah a lutchuakmi Vanbawi (Vancungmi) pa 7 chungin pakhat a simi Raphael ka si” tiah a rak chim. (Tobiah 12:14)