BAWINU MARY KONG

1. Bawinu Mary i a nu le pa cu Joachim le Anna an si.
- Bawinu Mary sinah thawngthanhtu Vancungmi min cu Gabriel a si.
2. Bawinu Mary cu 1481 kum, St. Dominic sin ah a lang i ‘Rosary’ cam dingin a rak fial.
- 1858 kum, February (11) ni zongah France ram ‘Lourdes’ khua i St. Benedict sinah langhnak a rak tuah. Cu lioah cun Benedict cu kum 14 lang a si rih.
3. Nu Mary cu 1917 kum, May 13 in October 13 ni tiang, voi-6 khengte Portugal ram, Fatima khua i ngakchia pathum (1) Lucia (2) Francis (3) Jarcinta hna sinah a rak lang.
4. Kum 14 a simi Benedict sin a rak langh lioah “Kei cu sualhram ngeilo semi nu” (I am the Immaculate Conception) ka si, tiah a rak chimh.
5. Vancungmi (Vanbawi) Gabriel nih Nu Mary sin thawng a thanh lioah Nu Mary nih a hnu bik a lehmi bia cu: “Kei cu Bawipa salnu ka si ko, Na bia bangin si ko seh”(Lk 1:38) tiah a rak ti.
- Nu Mary nih a hleikhun a tinco mi veel cu “Sualhram ngeilo in semnak” a si.
6. Nu Mary hi Bupi i zohchunh awktlak a si, ka tinak cu (Biathlam 12:1-7) ah hmuh khawh a si.
7. Nu Mary a pum le a thlarau cu Vancung ah cawi a si timi kong kha Pope Pius XII nih 1950 kum, November 1 ni, Mithiang hna Puai ni ah (Dogma of the Church) “Bupi zumhnak” sinak in ‘Pope i a palh kho lomi aana hmang in’ a rak thanh.
- 1854 kum, December 8 ni ah Pope Pius IX nih amah i a palh kho lomi aana hmang in Nu Mary cu sualhram ngeilo in semi nu a sinak kha “Zumhnak biathuk” ah a rak thanh.
8. Nu Mary cu Rosary Siangpahrang nu a si, tiah kan tinak cu 1917 kum, Fatima khua i ngakchia pathum sin a rak langh lioah “Kei cu Rosary Siangpahrang nu” (I am the Queen of the Rosary) ka si, tiah a rak ti caah a si. Cucu a chanchan Pope hna nih an fehter mi a si.
9. Nu Mary cu kan nih vialte i “Nu” a si (Jn 19:26-27). Amah a hlkhn tahnak in kawh mi cu: (1) Pathian nu (2) Bupi i nu (3) Khrihfa hna bawmtu Bawinu (4) Van Siagnpahrang nu ti hna an si.
10. Nu Mary i Rosary camnak timi cu: Bawi Jesuh i khamhnak rianttuannak he pehtlai mi kongkau hna kha ruahtthan (i theihtthan) i, Bawipa Jesuh cawnpiak mi Thlacamnak voi-1, Vanbawi nih Nu Mary a chonh thlacamnak voi-10 le Pa, Fapa, Thiang Thlarau cungah thangthatnak um ko seh thlacamnak voi-1 thlacam ningcang kha a si.
11. Angelus: Khuadei ka, chunlai, zan muihlai hna ah Biakinn i darkhing tum thawng theih tikah Khrihfa hna nh cammi thlacamnak kha ‘Angelus’ camnak kan ti. A ruang cu, cu camnak i hmasabik biafang cu Latin holh in ‘Angelus’ (Vancungmi Lamkaltu) tiah an auh caah a si.
- Angelus camnak cu Vancungmi Gabriel nih Vawlei ah a rak ra i Nu Mary sinah “Fapa Pathian i nu” a si lainak kong a rak thanhnak kha a langhternak a si.
12. Catholic Bupi zumhak ningin, Nu Mary cu a nunchung “Ngaknu Thiang” a si (Bia-thuk).