Zatlang Nunphung, Kokek Pawngkam

(4). ZATLANG NUNKHUASAK A ~UMCHUKNAK LE ZATLANG PHU AA CHEUHMALNAK

43.    Minung thawhkehnak hna cu a nung i lunglawm thanuam tein a um ding mi minung nawlngeihnak tinvo kha an ngei i minung huham a ngeimi vawleicung ia nung i a ummi thilnung saram an si. Cucaah kokek pawngkam rawhralnak tulio hmanmi minung a `hancho a karhcho mi sinak caah rian a `uanlio mi hna pungsan le thilri hna sawksamnak tuah ningkeel hna cu minung nunnak umtuning kha phundang in a khondennak kha ruatlo in an um kho lo.

khualipi hna thlitu thurhnawmnak le ngandamnak a khondennak 

44.    Tahchunnak in kan chim ahcun tuchan ahhin a khannak ningin siloin sikan zulhlo in an sakcio mi khualipi hna a karhnak kha nan theihcio lai. Khualipi hna ahcun mawtaw hna le sehzung nganpi hna in an chuahtermi sivai asimi datkhu hna ruangah thlitu a thianlo lawng siloin sikan ngeihlonak, sifah harsatnak, phawrh kuatnak ningcang a `halonak, awthawng hna hnachiattuknak, kharkhumh bantukin hmuh duhmi hmuhkhawh lonak hna ruangah umnak caah ngandamnak he aatlak lomi hna kha kan hmuh.
    Khualipi tampi hna cu an kautuk i innsak ningcang a feklonak, ti le lektrik mei hna kha luantukin an hmanmi hna hmuhkhawh asi. Innpa chakthlang inn, lo timhlamhnak simanking cheukhat ah minung a chahtuknak, sikan ngeih lonak, ceunak mei le thli luhchuah `hatlonak, hmunhma kaupi umlonak hna he an ton. Minung hi kokek pawngkam he zungzal in itonnak umloin, mirang vawlei hna, canphio hna, thirkhenh hna, thlalang khuhmi inn hna ah kharkhumh i tetngai in a um dingmi saram an silo.

45.    Cheukhat khuate hna ahcun hmun kaupi hna kha pumpak ngeihmi hmun ah riankhiah caah, aa dawhmi khuacuanhnak hmun hna ah mitampi an kalkho lo i, khamh an tong. Cheukhat hmun hna ahcun kokek pawngkam a thiangmi innlo saknak simanking an tuah ko nain lungthin daihnak a deumi thil hna caah lenglei minung chiah luhnak hna kha an khap. Atu le atu tibantukin khualipi hna i sang le veng cheukhat hna ahcun aa dawh i `hatein an sakmi `ihnung ral a thiang i thlitu thurhhnawmhnak a thiangmi hmun hna kha an serko nain misifak hna tamdeuh an umnak sang le veng hna ahcun hi thil hna kha kan hmuh hna lo.

ZATLANG NUNPHUNG AH A HNUZULHNAK
46.    Vawleicung khuazakip ah a canglio mi aathlengnak hna cu zatlang nunphung ramchung zong kha fakpiin a khonden ve. Seh lei he pehtlaihmi ningcang fimnak a karhchonak ruangah rian khinhnak ah harnak a umnak, zatlang nunphung ningin hnon an sinak hna, ti le lektrik thazaang hna kha a tluktlak loin `thencheu in hmannak ningcang, a dang zatlang nunphung bawmhchanh rian`tuannak hna, innchungkhar le zatlang nunphung phu ningcang aa`then cheunak, `thihphaihnak a tam chinchinnak, zatlang nunphung ningin rilonhnak, sersatnak a phunphun a chuahnak, rihai si hna zuarnak, mino hna nih rithai si an hman a tamdeuhnak, thizawh ruangah phunhram a lohtlaunak tiah harnak piahtana hna kha kan hmuh.

Hi thil umtuning kha kan zoh tikah a luancio kum (200) chung i a rak `thanchonak tampi kha kan hmuh khawh nain cu caanchung cu mi hna kakip `thanchonak le mi vialte caah khuasak tintuhnak a dot `thanchonak leiah chanhpiaknak a umlo mi kha kan hmuh.

Caankarlak cheuchum i zawtnak hmelchunhnak asimi zatlang nunphung he pehtlaimi zawnruahnak nunphung tuahtawn ningkeel hna a zornak, chungkhat innchungkhar dawtnak hri a cahnak hna, zatlang nunphung phu hna rian`tuan hmual a ngeihlonak hna a chuahmi kha a langhter.