Mithiang Timothy le Mithiang Titus

January, 26
STS. TIMOTE LE TITAS (zabu 1)
(Bishop hna)
Mithiang Paul i mission rian`uan hawi pakhat a simi St. Timote cu Lekaonia i Lisatra khua ah Catholic asilo mi a Pa le Judah miphun a simi a Nu nih an rak hrinmi a si. Tlangvalno (angakchiat) tein Bible ca a rak cawng i St. Paul nih tipilnak le cuarpartannak kha a rak pek. Paul sinin nunnemnak le unau bantuk i dawtnak he a khatmi Macedonia le Rome in an rak `ialmi ca pahnih a rak hmuh. Timote aa zuamnak hna cu ngandamnak a hnorsuan kho caah St. Paul nih ti lawng din loin zu tlawmpal din dingah a chimh. Ahnu bik ahcun Timote cu Efesa khua Bishop rian khinh a rak si i a nunnak dih tiang cu khua ahcun a rak um. AD 97 kum, Siangpahrang Napha uk lioah milem a biami zumsualtu hna cu an zumhnak kha a ralchanh hna caah, tanbo le lungto hna in an tuk an den i an thah. St. Paul i a lalang (ad awt bikmi) asi mi St. Titus cu Paul nih Khrihfa ah a luhtermi a si. St. Paul nih a dawtbik mi a hnuzul pakhat a si i Paul he hmunkhat in mission rian tampi ah a rak i tel lawng siloin Jerusalem i AD 49 kum ah an rak tuah mi Moses phunglam he pehtlaimi biahalnak hna cungah bia i alnak meeting pi ah a rak i tel ve. Catholic asilomi chungkhar in a chuak i Judah phung aa pehtlai lo caah Titus kha Paul nih a cuarpar tandingin a onh lo. Paul nih Khiri khua Bishop sinak ordination a pek lengah a sinah Bishop hna caah zulhawk upadi aa tel mi ca pakhat kha Titus sin a rak `ial chih. Titus cu, cukhua ahcun AD 96 kum ah a rak thi tiah Bupi i hlanlio tette tuanbia ningin kan theih.
Photo: credit to the original uploader