Mithiang Casimir

ST. CASMIR (1458-1484) (ATHIANGMI)
Poland ram zohkhentu St. Casmir cu 1458 kum ah achuak i Casmir Siangpahrang pathumnak fapa pakhat zong asi. Siangpahrang inn ah fimnak a rak cawng nain, thlacamnak, rawlulhnak hna lawngah a nunnak ahman. Ahleice in Nu Mary kha aa bochan caah Nu Mary thang`hatnak in a min a thangmi “Casmir i Hla” (Hymn of St. Carimir) kha a rak phuah. Adinfelnak le apeksiannak ruangah mitampi nih “Sifak hna khamhtu” tiah an rak ti.
1471 kum ah Hungary ram Siangpahrang luchin kha an rak pek tikah a pa nawl ngaih nakin a cohlan. Ram kha a uk lai caan ah Siangpahrang fapa pakhat nih a nawl ngeihnak chuh ding ah aralkap bupi he a rak zuamcawh. Thisen luanhmi raltuknak kha a rak duh lo caah Poland ram ah arak zam `han i adik lomi ruangah zeitikhmanh ah hriamnam ka tong lai lo, tiah chiat aa serh.
Siangpahrang Fredrict II fanu nih amah he i `hitumh dingin a lemsoi nain Casmir nih athiannak pahrang kha a rak kilven khawh. 1484 kum, kum 26 asi ah Casmir cu achiatukmi TB zawtnak nih arak chawnh ve. Villa khua i a ummi St. Stanislas Biakinn ah a nunchung arak sak mi Nifatin Nu Mary sinah (Daily Song of Mary) ti in a `ialmi cahnah he St. Casmir cu an rak vui.