Zatlang Nunphung (Bupi cawnpiaknak)

Bupi cawnpiaknak ah minung nawlngeihnak (tinvo) timi cu: 

1. A nunglai timi nawlngeihnak
    Huham ngeingai in nunkhawhnak, `hanchonak ngeih dingah kan pum caah a herhmi rawl, hnipuan, sii-ai thlopbulnak, i dinhnak le rian`tuan khawhnak nawlngeihnak hna.

2. Upat hmaizah pek asimi nawlngeihnak
    Minungkip an min, an huham, zalonnak le an thil tikhawhnak hna kha upat hmaizah ding. Mah thiehhngalhnak, thil tikhawhnak, cohlannak hna kha zalong tein `ialnak nawl, cauk chuahkhawhnak nawlngeih awk asi.

3. Nunphung i a theipar cohlannak nawlngeihnak
    Nunphung a `thangcho mi, minung nunnak serding caah a herhmi fimthiamnak hna kha zalong tein cawnnak nawl a um lai. Cubantuk cawnnak caah University, College, a dotsang fimcawnnak, pawcawmnak lei fimcawnnak sianginn hna kha serpiak ding asi lai.

4. Biaknak zalonnak
    Mah theihthiamnak ningin, zalong tein `uannak le tuahser in umnak hna cu minung huham asi ti kan rak theihcang. Cucaah mah le theihhngalhnak in zalong tein biaknak lei zalonnak nawlngeih cio ding asi lai.

5. Nunnak caah zalongtein i thimkhawhnak nawl
    Mikip nih mahle nupi/va caah zalongtein i thimkhawh i chungkhar sernak nawl a ngei lai.

6. Rian`tuannak nawl
    Huham ngeingai in nunkhuasak khawhnak caah mikip nih zalong tein rian`tuannak nawl a ngei lai.

7. Mah thiltikhawh ning cio in `thanchonak rian ah `tuannak nawl
    Aa ningcang i aatlak ningin rianhlawhman (thahlawh) pumpak thilri ngeihnak nawl, chungchuak thilri hna pumpakin ngeihnak nawl a umlai.

8. Zalongtein leem khawhnak nawl
    Timhmi ah teinak a hmuhnak hnga caah midng hna he phu sernak nawl, leem (Sawm) nak nawl a ngeilai.

9. Ramchung ah zalongtein i `thial in umnak nawl
    Mikip nih mahle ramchung ah i `thial in umkhawhnak le afekmi konglam a um ahcun ramdang ah kal in umnak nawl a ngeilai.

10. Zatlang colcanghnak ah lungtho tein i telnak nawl
    Zatlang mipi caah santlaimi rian`uantu phu ah lungtho tein i tel in cawlcanghnak nawl a ngeilai.

11. Huham ngeimi minung pakhat asi ruangah mikip tinvo kha, hmualngei tein, thleidan lo tein le ningcang tein phungning in kilven zohkhenh awk `tuanvo a ngei.³²

End Note:

32. Pope John XXIII, Pcem in terris, n. 11a 27