MUSLIM RAM IRAQ AH

Zumhnak ah lungrual tein: Iraq mipi nih Vailamtahnak puai an tuah

Erbil khua pawng Ankawa ah, Catholic, Orthodox le Assyrian Khrihfa hna nih September ni 14 ah Vailamtahnak Puai tuah dingin hmunkhatte ah an i timhtuah ṭi, Iraq ram ah buainak a chuah hnuah zatlangbu hna nih nunnak an sersiam ṭhan.

Federico Piana nih a tialmi

Iraq chaklei Erbil khua i tuanbia ah a cangmi thil pakhat

Ankawa, Iraq Kurdistan ram chaklei khualipi pawng ah a ummi, Khrihfa za tampi nih Vailamtah puai ah an i tel, hi puai cu September ni 9, cacawn nikhatni in aa thawk i, cacawn ningani tiang aa pehzulh lai. Lunglawmhnak puai cu ruahchannak sangpi pekmi nih a langhter, zeicahtiah phunglam phunphun a ngeimi Khrihfa - Catholic, Orthodox le Assyrian- hna cu a voikhatnak bik, cu puai tuahnak caah an i pum, mi vialte tlanhnak ca i kan Bawipa a thihnak Vailamtahnak Thiang hmuhnak philhlonak puai tuahnak ah an i fonh caah asi.

Puai tuahnak i a biapibik mi cu Khrihfa hna a fonhtertu zumhnak kha a si. Biakinn dangdang ah nifatin thla an cam i khuapawng lam ah tuahmi nunphung pumhnak phunphun ah an i tel, ahleicein a rong phunphun mei vannak he puai an tuah. Hi thil a cangmi vialte hi Gregorian calendar a zulmi Khrihfabu hna caah September 14 ah tuah dingmi asiloah Julian calendar a zulmi hna caah cun September 27 ah tuah dingmi Vailamtahnak Thiang Cawisannak puai ca i timhtuahnak ah aa telmi an si.

September 9, Monday i puai onnak ah, vailamtah nganpi cu Nichuahlei Assyrian Biakinn, St. John the Baptist ah artlang in an put. Puai tuahnak a sunlawinak cu tlangbawi le zumtu hna nih meiinn ngan pipi an i put i an sakmi hla hna ah a lang, thangṭhatnak le biaknak lawng siloin daihnak hmelchunhnak i hrawmnak zong a si. "Khrihfabu hna nih kum fatin a dang tein hi philhlonak puai hi an tuah tawn. Asinain tukum cu khuaruahhar in aa dang," tiah Erbil Chaldean Catholic Diocese i arch-parish tlangbawi Monsignor Bashar Matti Warda nih a chim. Nichuahlei Assyrian Biakinn i Patriach Mar Awa III i thluachuah peknak he Syro-Catholic le Syro-Orthodox Khrihfabu Bishop hna tel in amah nih puai cu a tawlrel.

Puai tuah lio i Patriarch Mar Awa III nih a chimmi bia ah, "kan Bawipa Jesuh Khrih Vailamtah Hmuhnak Puai tuahnak nih Nichuahlei Khrihfabu i Pathian timhtuahnak ah a biapi mi thil pakhat a aiawh. Kan zoh tikah vailam cungah, Khrih temhtuarnak kha kan i cinken, culawng siloin thihnak in a thawhthannak sunparnak zong kha kan i cinken chih. Cun kanmah le kanmah cungah vailamtahnak hmelchunhnak kan tuah tikah, amah i a voihnihnak a ratṭhan lainak kan i ruahchannak le zungzal nunnak kan zumhnak kha kan phuan."

Vailamtah Thiang Puai tuahnak thawngin Catholic Khrihfabu nih biapituk ah a chiahmi ecumenism (bukhat le bukhat i remṭhannak) ah a dang le a fekmi kehlan a aiawh, tiah Pope Francis nih Apostolic Exhortation Evangelii Gaudium ah a fehter bantukin: "Ecumenism ah i pekchanhnak nih Bawi Jesuh i thlacamnak 'An dihlak in pakhat an si kho men.' ti kha a leh".

Hi thil cangmi nih hin Iraq Khrihfa hna hmailei caah hmelchunhnak ṭha zong a langhter: caan a hung rauh deuh tikah, ral, ramkhel lei ah daihnak a um lonak le Islamic State a karhnak nih Khrihfabu phunkip in Khrihfa thong tampi cu ramchung in a dawi hna. Caan zeimawzat a liam cangmi ahkhan, Monsignor Bashar Matti Warda hrimhrim nih, cozah cazin ah a umlo nain, "Iraq ram pumpi ah Khrihfa 300,000 hrawng an tang rih" tiah a rak thanh. Sihmanhsehlaw hi tuurun an zor ko nain ruahchannak cu Ankawa puai nih a langhter bantukin a nung peng rih.

Vatican news in kan lakmi a si. (Direct in translation tuahmi asi i apalhmi tamtuk a umlai, kaN thiam ko u tiah zangfah kan hal)