Nunnak Thawngtha

NUNNAK THAWNGTHA

Norbert Ca Ling - OSC Hakha

“Nan cungah daihnak um ko seh, Ka Pa nih a ka thlah  bantukin kei zong nih kan thlah ve hna” (Johan 20:21)

Bawipa Jesuh cu hi vawlei i a nun lio ah i dawt i thlaihchannak in lunglawmhnak, zumhtlaklo an si nak ruangah lungfahnak, a Pa rian a tuannak cungah halnak hna le khualtlawn thabatnak hna kha a hmuhton i a theih. Minung hi zeithil in dah an ser ti kha siseh, nifate kanmah he aa eh mi rikhiahnak hna, sifah harnak hna le sunghnak kong vialte zong Jesuh nih a rak theih dih. A mui mi khaan chungah khan aa pum mi a zultu hna sinah a tuah bantukin kannih pakhat cio i muihnak chung zongah Bawipa nih khuaruahhar nak a kan tuah piak, lam a kan hmuh sak lengmang ko. Bawipa nih pakhat cio kan sinak, kan tuahsernak hna cungah lung sau tein a kan hngah i zumhnak he a kan don lengmang ko.

Thihnak tei in a tho than mi Bawipa Jesuh nih midang cheuhkhawh mi nunnak thar le amah he umti nakin daihnak kha hmuhtonnak ah i lak dingin a kan sawm lengmang ko. “Pathian cu Dawtnak a si” timi thawngtha kha aupi dingah kan lunghahnak kha hlawtin, kan ti khawh lonak, humhim lonak kan intuar mi hna lonh hnu ah Pa Pathian sinin Jesuh nih a tinco mi rianthiang kha pehzulh in kan tuan awk tu a si. Cuticun, Bawipa Bupi i a rianthiang cu Vawlei cung ramkip ah dong loin a rak karhter.

Kan Bawipa Jesuh Khrih Vailamtah cungah chiahru ngai in thihnak a rak innak kong le a zultu hna thinphang thlalau lungawtawm in an umnak kong a langhter hnu ah John nih khuaruahhar a thar taktak mi konglam pakhat kha a langhter than. Jesuh cu thihnak in a thawhthan hnu ah a mi hna sinah a rak kirthan. Taktak ahcun Thawhthan ni (Easter) zingka te ah a tho than mi Jesuh kha Maria Madalena nih a rak hmuh i aa cinken cang. Cu ni zanlei ah ngaichiat lungrethei in an um i innka kharkhumh in aa thup mi a dang zultu hna kha Jesuh amah pum hrimhrim aa hmuhter hna. 

Bawipa Jesuh nih Vailamtah cungah fakpi in a rak innak, a kut pahnih thir khenhnak hmape, a hnak i fei chunhnak hmape hna kha a hmuhsak hna. Hmasabik ah Daihnak bia in a chonh hna. Cu bia an thinlung muru ah a pil mi Veel taktak a si i an nunning a thlenter hna.

 A thothan mi Jesuh nih chambau mi micheukhat kha halnak a tuah hna. Cucu ‚Amah nih a tuah bantukin lam ah chuak i thawngtha chim ding kha a si. “Jesuh zong nih thazaang aa hrim i a rak tuah. Pa Pathian nih tuanvo a pek bantukin a zultu hna zong tuanvo a pek tak ve hna. Jesuh nih a thawnnak kha a cheuh ve hna nak le thleidan lo dawtnak in thinlung that ah a thlenpiak hna nak kong kha Johan nih‚ An cungah Thiang Thlarau a toih hna” tiah a tial chih.

“Nan cungah daihnak um ko seh, Ka Pa nih a ka thlah  bantukin keizong nih kan thlah ve hna.” (Johan 20:21) 

Bawipa Jesuh cu hi vawlei i a nun lio ah i dawt i tlaihchannak in lunglawmhnak, zumhtlaklo an si nak ruangah lungfahnak, a Pa rian a tuannak cungah halnak hna le khualtlawn thabatnak hna kha a hmuhton i a theih. Minung hi zeithil in dah an sei ti kha siseh, nifate kanmah he aa peh mi rikhiahnak hna, sifah harnak hna le sunghnak kong vialte zong Jesuh nih a rak theih dih. A mui m i khan chungah aa pum mi a zultu hna sinah a tuah bantukin kannih pakhat cio i muihnak nih a khuhnak le a bi mi khuaruahnak hna kha pehzulh in a kawl i phozar than. Bawipa cu kan cungah zumhnak a ngei peng rih ko. A nung than mi Bawipa Jesuh nih midang cheuhkhawh mi nunnak thar le amah he umti nakin daihnak kha hmuhtonnak ah i lak dingin a kan sawm. “PATHIAN CU DAWTNAK A SI” timi thawngtha kha aupi dingah kan lunghahnak kha hlawt in, kan ti khawh lonak, humhim lonak kan intuar mi hna lonh hnu ah Pa Pathian sinin Jesuh nih a tinco mi rianthiang kha pehzulh in kan tuan awktu a si. Cuticun Bawipa Bupi i a rianthiang cu Vawleicung ramkip ah, dong loin a rak karhter.

“Nan cungah daihnak um ko seh, Ka Pa nih a ka thlah  bantukin keizong nih kan thlah ve hna.” (Johan 20:21) 

“Atu chan ahcun kaa in chimnak lawng a za hrimhrim lo…, Thawngtha kan chim tikah hlan pupa hna nih an rak chim bangin, Kannih cu kanmah pumpak hrimhrim nih kantheih, kan mit in kan hmuh cang” tiah tette an khan bantukin pumpak hmuhtonnak cungah hram kan bunh a si ahcun hmual a ngeih deuh ding khi a si. Kannih kha an kan zoh lai i mi nih, “annih khi zoh hna u! Pakhat le pakhat zeitluk in dah an i dawt, pakhat caah an nunnak pek ding hmanh khi timhcia an si,” rak kan ti hna sehlaw hmual a ngei deuh lai. A fek mi dawtnak in pekthenhnak, chambau mi hna bawmhnak, cawmnak, thilpuan hruk-aih pekthenhnak, umnak inn le lo ngeilo hna kha riahnak khan peknak, mah lawng a um mi hna kha hawikom ah i serhnak, dothlatnak a ing lio mi hna hnemhnak hna tuah a si ah cun hmual a ngei deuh lai. Cuti kan tuah a si ahcun Khrih theih hi khuaruahhar a si zia kha mi nih an theih lai i Khrih pum cheuchum tette tha kan si bantukin Bawipa a rianthiang kha kan tuan piak khawh lai.