Vawlei Thlanglei hna Karlak Pawngkam

Vawlei Thlanglei hna Karlak Pawngkam

              Mirum le sifak milu aa thleidannak cu minung pakhat cio nunnak a khordenter bantukin ram pumpi zong kha a hliam rih. Cu thil umtu ning cu ramkip hoikomhnak ah chiahding mi zulh phung kong ruahchih dingin kan nih kha a kan norchih. Arum mi Vawlei pumpi chaklei ram hna le sifak a tthancho ka mi Vawlei thlanglei hna karlak pawngkam thurhnawmnak le pehtlaimi chawletnak aa khah lo nak, hlan kum tampi lio i ram cheukhat hna cu vawlei chungchuak thilri hna kha luantukin an rak hnan ruangah phuhnih karlak kokek pawngkam he pehtlaimi leiba ab rak ngeih.

              Sehzung in thilchuahternak a tthanchoi mi vawlei chak lei ram hna i chawdawr hna ah thilhran hna an kuat nak ah sifak mi ram hna i hmun um hna cu harnak tampi an ton. Bianaah kan chim ahcun, sukhor cawhnak i mercury an hman ruangah pawngkam thurhnawmnak, thirhring an cawh nak ah Sulphur dioxide dat an hmnan ruangah pawngkam thurhnawmnak a chuak, hmin um hna fakpi in harnak an tong. Vawlei cung huap thlitu hna ah hlonh mi datkhu hna kha kum(200) ruah tiang an thlah caah vawlei cung ramkip nih an ton mi thil umtu ning kha tah in zohkhawh awk a biapi in a herh. Arum mi ram hna ahcun vawlei chungchuak thilri hna tam deuh an hmannak raung i a chuah mi khua caan linhnak umtuning hna kha vawlei cung sifak ram hna, a bikin Africa peng i ram hna nih an in tuarh. Africa peng ah khua caan a linh nak he hmunkhatin rauh ti a khen caah cin thlak rianttuan nak kha fakpi in a khordenh. Cheukhat ram ng hna cu sehzung hna in hmunthur hna le si vai a siter mi datkhu haanghna kha tthancho ka ram hna ah an va thlet.

              Cheukhat ram hna cu mipi nih an ralchanh raungah an ram i an sakkho lo mi sehzung cheukhat kha a tthancho lio mi ram hna ah an sak i, an mah ca tthat hnemnak a miak an kawlnak, cu sehzung hna nih a chuahter mi thurhnawm hna ruangah hmun um hna nih kokek pawngkam thurhnawmnak kha fakpiin an tuar. Hi bantuk rianttuan mi sipuazi rianttuan nak hna cang vawlei cung ram kip ngeih miphun hna in a si kha kan theih ding a si. Atlangpi in an nih cu sehzung an khar i an ram lei an kirtik zongah pawngkam thlitu thurhnawmnak le minung he pehtlai mi harnak piahtana tampi kha an tangtak. Bianaah riang ngeih lo an sinak, sezung a hngatchan mi khuapi khuate hna an loh tlaunak, vawlei chungchuak thilri a sih cikcek nak, tupi hna an loh tlaunak, cin thlak le satil zuat rianttuan nak hna an fahter nak, Vawlei chungchuak thilri an cawh nak hmunnak vawlei a kuarh nak, tlang bantuk tiang in vawlei an pumhnak, a thurhnawmnakmi tiva hna le zohkhenh kilven khawh a si tilo mi zatlang nunphung rianttuannak tlawmpal tiah fahnak hna kha hmun um hna nih pehzulh in an in tuarh.