Cauk nganpi Vawlei

12. Chapchih rih ahcun St. Francis cu Bible ca cungah dinfelnak a ngeih bantukin kokek vawlei kha rumra ngeimi cauk nganpi pakhat sinak in hmuh cio dingah a kan sawm. Cu cauk ah Pathian cu kannih he bia aa ruah i, cu thawngin Pathian i tahkhawh asilo mi a dawhnak le `thatnak kha caan tawite biakcio dingin a kan sawm, tiah a rak chim.
Minung hna cu a ngan i aa dawhmi in sernak a ingmi nunnak ngei hna kong ruahchihnak in sertu Pathian kong kan rak hngalh (Wisdom 13:5).
Pathian cu vawlei a ser hramthawk te khan Pathian nih cun hmuhkhawh asilo mi a sining, zungzal hmunmi a `thawnnak le a Pathian sinak kha fiangtein a langhter ko. Cucaah i silhnalh khawhnak zeihmanh an ngeilo (Rom. 1:20).
Cucaah St. Francis cu a umnak zateik sianginn kulhchung i vawlei hmun pakhat kha zeihmanh cinglo chiah sawhsawh dingin a rak cah tak hna i, cu vawlei hmun ahcun hlingbur hna, a`halo mi pangpar kung hna an rak khoh caah cu hna a hmu mi paoh cum cu king hna i an i dawhnak kha zoh in, dawhnak kha a sertu, sertu Pathian sinnah an ruahnak a phanhnak hnga a timhnak asi.
Vawlei cu fianter awk a herh mi harnak asilo i lunglawmhte khuaruahhar tlaichun in ruah chih buin thang`that hnu ah nuam tein umnak ding mi hmun asi.