Vailam tinhmi (Tuufa Zanriah)

VAILAM TAHNAK NIH AA TINHMI

Hlanlio Khrihfa hna lakah, Vailamtah hmelchunhnak cu Vawlei pumpi ca i zumhnak langhternak a si. Ca an chuahnak a caan chungah hin a lang lengmang. Hmun tampi ahcun, phung an tuah mi cu calcung in vailam tahnak kha a si. A cheu ca`tial thiammi hna St. Jerome le St. Augustine hna nih Khrihfa mi Vailamtahnak an hman ning kha cal in siseh, hmur in siseh, cun lungthin in tuchan Nitlak lei Catholic hna bantukin Gospel (Thawng`tha) an rel hlan ah an langhter. Mithiang mingan mi hna zong nih kha hmelchunhnak `thawnnak kha tette an khan ve. Carthage i St. Cyprian an timi pa nih, kumzabu pathumnak ah hi tin ca a `tial... a ca`tial mi ahcun Vailamtah hmelchunhnak cu thil `thabik le thil ti kho mi ah a ser.

Hi Vailamtah hmelchunhnak cal i a chia mi hna cu khamhnak mi vialte nih an hmuh khawhnak hmelchunhnak a si “(a lam zulh dingmi cu Biathlam 7: 3 le 14:1) hna hi an si. Kumzabu pakhat hnu ah, St. Athanasius nih a langhter mi ah Vailamtah hmelchunhnak camhphun in hman mi cu hloh dih a si cang, hnam lei thiam fimnak zong kha pakpalawng ah chiah an si cang.” Satan cu Jesuh Khrih Vailamtahnak hmai ahcun pakpalawng a si. Vailamtah hmelchunhnak cu a thukngai mi umtuning kan sermi kha a si. Mahhi cu Gospel (Thawng`thabia) chung i chikkhatte thilthuk mi langhternak kha a si. Mahhi cu Khrihfa zumhnak sining pakhat caah a tawinak in tuahmi a si. Kanmah kha Vailamtahnak kan i khinh tikah, tipilnak kan innak i biakam thar chuahnak kha a hung chuak.

Bia in kan chim mi zong ah, thumkomh Pathian kong kha a si. (“Pa le Fapa le Thiang Thlarau min kha kan chim”). Kan kut in, Vailam tahnak kha put in, kan tlaunak kong kha, kan au pi. Minung tuanbia lakah a nganbik mi sualnak cu Pathian Fapa Vailamtahnak kha a si, hihi a nganbik mi zaangfah dawtnak le Pathian thilti khawh `thawnnak a si. Vailamtahnak thawngin khamh kan si, hi thawngin kannih cu Pathian kokek nunning chungah khan kan um kho. (II Peter 1:4).

Thumkomh Pathian, Pathian minung i ai cannak, tlanhnak hna cu chikhatte ah kan sinah a langmi kha an si. Nichuah lei ahhin, thil sining cu a `thadeuh, zeicahtiah Khrihfa mi hna nih hmelchunhnak asimi a pakhatnak kutdong kha hmunkhatte ah an hman caah a si (Kutpi, Kutdong le laibawi) hna cu hmanmi an si, cun a dang phunhnih (faiceu le hngete) zong an um rih. Kutdong pathum hna nih cun Thumkomh Pathian i lungkhahnak kha an ai awh.

Kutdong pahnih hna nihcun Khrih i kokek sining phunhnih he lung i khahnak kha an ai awh. Mah hi Pathian biak tik i tuah dingmi lawng a si loh. Ahodah kan si timi theihternak zong a si ve. “Pa le Fape le Thiang Thlarau cu chungkhat sinak bantukin an lang hna, kan chung sining he zungzal Pathian he kan i pehtlaihnak dingah an lang hna. Kan ta a si mi biaknak ah, Pathian cu kan chungkhar a si. Pathian cu zungzal in kan chungkhar a si. Tipilnak thawng zong in amah cu kan chungkhar a si. Tipil innak cu Bawipa zanrih bantuk a si, hi bia cu Latinholh a si i chiatserhnak (Sacramentum) kha a si; Hi chiatserhnak nih hin Pathian innchungkhar ah a kan canter. Vailamtah hmelchunhnak kan tuah ruangah, Missa raithawinak kan tuah ruangah, Missa raithawinak tuah kan thok tikah Pathian fale sinak theihternak zong kha a si fawn.

Chiatser biakamnak he tipil kan innak zong kha kan thar chuah. Vailamtah hmelchunhnak tuah tikah cun, Bible chungah zung i upadi bantukin chiat serh ah kan tla. Bia kan i kam mi cu, Missa raithawinak i kan rat, tette kan khan mi i biakamnak kha a si. Cu asicaah kannih cu Pathian biaknak ah a zohtu lawng kan si ding asi loh. Kannih cu cawlcang ngai in aa telmi kan si, kannih cu tette kan si, i biatak chim awk ah chiat kan i serh, biatak dihlak kha, zeidang siloin biatak lawnglawng kha. Cuasicaah, maw Pathian kan bawm tuah.