Mithiang Irenaeus

June, 28

ST. IRENAEUS (BISHOP & Mtyr)

 Leon khua Bishop mithiang Irenaeus cu kum 330 ah Asia ah a chuak. Amah cu Mirana khua i Bishop mithiang Polykat i a rian `uanpiaktu le Biathiang a `ial mi mithiang Johan hnuzul a rak si bal. Asi kho bikmi cu mithiang Polyket nih hin amah kha France lei ah mission rian`uan dingah a thlah i France ram ah hin Siangbawi caannak (ordination) a lakmi a si.  

AD 177 kum ah France ram ah biaknak lei hremnak a rak um i Leon khua i Bishop pa zong an rak thah. Mah caankarlak ah Erenaeus cu Rome khua ah a va um caan a si caah thihnak in a luat. Amah a rak tlung`han tikah cun hremnak cu a doicang i Leon khua i mipi hna nih amah kha zapi hnatlaknak in Bishop an thim.

 Erenaeus cu Tuukhal rian kha `hawngngai le `ha ngaiin a `uan lawng si loin innpa ram hna zongah evangelist (thawng`ha phuan awk) ah aa zuam i a kal mi a si. Amah a min hi Greek holh in “Daihnak zungthiam” tiah sullam a ngei i a min bantukin i al (i doh nak) nak buaibainak tampi kha a rakremh piak hna. Kum 190 ah pathumnak Pope Victor III he Easter puai ni kha Judah miphun hna i Pascar puai ni ah an tuah caah, bupi duhlonak a ingmi Asia Maina um Khrihfa hna kha remhnak a tuah piak hna.

Amah nih a chim relnak le a phungchim nak, a ca `ial nak in ka mit in ka hmuh lawngah ka zumh lai a timi hna kha a doh hna. “Dohraltu” kal pinak kha dohnak “Lamkaltu hna i cawnpiaknak tehte” timi cauk hna ahcun a nem mi biafang le a chan he aa tlak in nihchuah capo phun telhmi fianternak in Catholic Bupi zumhnak kha a dirkamh. Amah cu Setimiusseperus nih Bupi kha a hrem can, 202 kum ah thah nak a in.