Changreu le Mitsur Hang

A EL KHAWH LO DING MI PEKNAK KHAN PE TUAH

Biaknak phung i changreu le mitsur hang eidinnak phung cu peknak in aa thok, i peknak nih khan kan i pek taktak nak kha a chim. Khrihfa bu rian`tuan bawmhnak ah changreu le mitsur hang le tangka kha kan rak put. Tuandeuh Khrihfa bu khan cun mifel mi hna nih chang kha an reu i mitsur kha puai caah an neen. Pek caan a phak tikah khan hmaiah an rak put. (A cheu Nichuahlei Khrihfa bu hna cu, changreu le mitsur hna kha atu tiang pastor peng chung i a ummi hna nih an rak chuah pi). A sullam cu mah hi a si. Kan ngeih mi vialte khan kan pek. Kanmah kha kan ngeihtuk caah a si lo, zeicahtiah Bawipa nih a hmun lomi kha a laak i zungzal a hmunmi caah a ser, minung ta a si mi kha la law Pathian taa ah ser. A voihnihnak Vatican Council nih mi sawhsawh thil peknak a `thawnnak kong kha a chim. “An rian, an thlacamnak le biaknak luu a si mi hna lei i an i zuamnak, nupi tluangtlam tein an `thitnak le chungkhar nun zia kha, le nifate rian an `tuannak, an thluak in siseh an pumsa in siseh, an i dinhnak kong, hi vialte hna zong hi thlarau lei ah raithawinak Pathian ca i do a tla mi, Jesuh Khrih thawngin a si mi kha, a si.

Eucharist changreu le mitsur hang conglawmh lio ahcun, hi raithawinak hna hi dawtnak thinlung taktak he Pa sin ahkhan pek a si, cu caan ahcun Jesuh pum zong kha aa tel ve. Cu bantukin Pathian a bia mi vialte hna an tuahsernak cu a thiang lai, mi sawhsawh zumhnak a fekmi hna zong nih anmah le anmah vawlei thisa sinak kha Pathian sinah an pek”. (Lumen Gentium 34)

Zeizongte kan ngeihmi cu biak`theng cungah khan a kal, khakha Khrih ah a thian khawh nakhnga. Tlangbawipa nih khan ti le mitsur zu thlet a si lio ah hi kong he aa pehtlai in fiang tein bia a chim. “Mah sullam thuk a ngeimi ti le mitsur ruangah, Khrih Pathian a sinak ah khan kan i hrawm ve lai, Amah zong nih kan minung sinak aa hrawm ve bantukin,” Aa cawh mi cu a `tha tukmi hmelchunhnak a si, ruahnak a kan pek mi cu Pathian a sinak i lungkhat umnak le minung kokek sinak i lungkhat umnak kha a si, Vailam tahnak cungah a hnaak in ti le thi a chuah tikah, khakha Khrih nih a kan pekmi kanmah laksawng hrimhrimm amah hrimhrim nih a kan pekmi a si. Cu thil peknak cu pa zong nih a el khawh lo mi kha a si.