Tthit-umh khawhnak caah a herhmi hna

Budang pa/nu he tthit-umh khawhnak caah a herhmi hna cu:-
(1). Catholic Biaknak a hrawh lai, tiah ttih, thinphannak in a thiang lai.
(2). Hrinmi fale hna kha Catholic zumhnak ningin zulh, cawnpiak ding a si lai.
(3). Pakhatnak ah Catholic a simi nu/pa nih a zumhnak a rawhter dingmi hnursuannak kha hlawtpiak ding timhcia a sinak kong a langhter lai. A fale kha tipilnak a inter hna lai i Catholic bupi cawnpiaknak ningin zohkhenh kaa zuam lai, tiah lungtak tein bia aa kam lai.
(4). Pahnihnak ah cu bangin Catholic a simi nu/pa nih a tuahmi biakamnak kong kha budang a simi a va/nupi kha a theihter lai.
(5). Pathumnak ah an pahnih tein lehthah tthit-umnak nh a timhmi, dawhnak muisam hna kha thei lakin an cawng lai. Catholic pakhat cu lehthah tthit-umnak ruangah a zumhnak a rawh ding phan a si ahcun lehthahnak nawl a ngei lo. A ruang cu (K, 8:36) ah, “Vawlei duhnak tlaihchannak nakin thlarau nunnak a biapi deuh” caah a si. Mah zumh mi biaknak le lehthah tthit-umnak a hram kokek nawlngeihnak ha hmaitonh a ralchanh ahcun biaknak papek ding a si. Catholic Khrihfa cu zumhnak caah martar nunnak a phak tiang (a nunnak pek tiang) a zumhnak kha zohkhenh kilven khamh in a langhter awk a si.
(6). Fale a cheu kha Catholic zumhnak, a cheu kha a nupi/va zumhnak ningin cawnpiak ah tah a si kho lai maw? A si kho lo. A hmaannak timi cu hnatlak pi nakin tthumhpiak khawh a si lo. Bianaah, mi pakhat nih 2+2=4 a si a ti i a dang pakhat nih 2+2=6 a ti ah khan, hmasa pa nih tthumhpiak in 2+2=5 a si, tiah tikhawh a si lai maw? Catholic Bupi cu a cawnpiaknak kha a tthum bal hrimhrim lai lo.
(7). Biaknak dang he lehthah tthit-umnak (Disparity of Cult) cu; tipilnak sacrament a hmu cangmi Catholic Krhihfa nu/pa pakhat le tipilnak sacrament a hmu rih lomi nu/pa he tthit-umnak lehthahnak kha as i.
(8). Budang/Khrihfa budang he lehthah tthit-umnak (Mixed Marriage) cu; tipilnak sacrament a hmu cangmi Catholic Khrihfa pakhat le tipilnak a hmu cangmi budang pakhat hna lehthahnak sacrament cohlannak kha a chim duh mi a si.
(9). Catholic Bupi nih budang, Khrihfa budang he lehthah tthit-umnak nawl a onh lonak a ruang cu lehthah tthit-umnak tuah hnu ah atu le atu a chuakmi tthatlo nak hna kha bupi nih kum saupi a hmuh tonnak in a theih (a hngalh) cang caah tha a pek lonak a si. 2Cor 6:14 ah “Zeitindah ceunak le muihnak cu hmuhkhat ah an umtti khawh lai?” tiah a ti.
(10). Budang, Khrihfa budang, he lehthah tthit-umnak ruangah a chuakmi tthatlonak hna cu;
(i) innchungkhar lung I khah lonak
(ii) Catholic pa/nu caah biaknak lei thazaang zornak (zumhnak piaknak) chuaknak
(iii) Fale hna biaknak kong cawnpiak ding tha dernak
(iv)Ziaza zulhphung he pehtlai in zumh
(v) A dang a biapi mi konglam hna
(11). Catholic biaknak ah lehthah tthit-umh dingah tinhmi nu/pa hna i an kum cu: pa kum (16) le nu kum (14) a tling cangmi a si lai. (Canon upadi 1083/1). Sihmanhsehlaw Myanmar ram ahcun pa kum (18) le nu kum
(16) tiah rikhiah a si.