Ka thazaang cu Bawipa Thisa asi

Photos Credit

Bawipa Thisa cu ka thazaang asi; Sr. Alicia Torres tuanbia

Sister Alicia Torres nih amah i nu biaknak lei phu i kawhauhnak cu tipil innak ah hram a bunh i Bawipa Thisa he thukpiin pehtlaihnak a um, cu hna chungin thazaang a lak i a innpa chakthlang hna kha an tonmi “harnak dirhmun hna” lakah thazaang pek khawhding in ruahchannak a ngei.

By Sr Bernadette M. Reis, fsp

Alicia Torres cu Loyola University ah boih ngahhlan sianghleirun a kailio ah hi thilhna cu hram a thawk. Theology le bio-ethics pawl cu “Navy Brat’s”  pakan phar cungah an um. Khatta leiah Bawipa Thisa biaknak ah amah i caan cu hman aa thawk. Cu caan vialte nih amah kha biaktak tein Bawipa he an i pehtlainak  ah lam a hruai. Bawipa thisa cu a taktak in a cang lawng silo in amah i zumhnak theihhngalhnak ‘ka lungchung i zumhnak asi, mah hi Jesuh”  tiah a thlengter. Hika ahhin a dih rihlo. Missa le a nunnak cu ahmaan chin bantukin Alicia cu biaknak lei Sister pakhat in Pathian sinah adihlak pe dingin kawhauknak” kha a theih.

Amah cu dirhthar asimi biaknak phu pakhat “The Franciscans of the Eucharist of Chicago” ah a lut. Alicia cu sifakmi rianhnak ah aa tel rihlo mi asinain Bawipa nih hi phu ah zeitin indah a hruai timi kha lung a tuaiter rihko. Sianglai run a kailio ah thawhzaang ngaiin a tuahbal mi nunnak duhmi (pro-life) cawlcanghnak ah a mission rian kha samh khawh dingin a ruat. Sihmanhsehlaw, an phu chung i kum hleithum caan a zoh`than tikah “Bawipa i timhmi cu a tling” tiah Sr. Alicia nih fehtein a chim.

Asinatein, St. Francis of Assisi le Bawipa Thisa karlak ah pehtlaihnak a um. Sr. Alicia nih “Bawipa Thisa le St. Francis of Assisi cu mitampi nih an hunhngalh lo. Amah (Francis) nih Lateran IV nih  Bawipa Thisa upat hmaizahnak le duhpatnak kha kuttong tuahdingah fakkhun in a chimh hnuah vawlei cung kakip i siangbawi pakhat cio sinah ca pakhat a tial.

 

Sihfak inmi le aherh mi hna caah Bawipa thisa

Sr. Alicia le a hawile Sister hna caah, mi sifak mi hna sin i thawng`tha bia chimnak le cawnpiaknak cu “ Bawipa Thisa chung i Jesuh Khrih he an i pehtlainak” in a  chuak.  Bawipa thisa chungah biatakin kan Bawipan a umnak le A mipi; abikin har a tongmi le aherh baumi pawl sin i a umnak  karlak ah a ngan ngaingai mi pehtlaihnak a um.

A hmuh ballo mi leikam ah Bawipa nih a mawngh lawng siloin Bawipa nih amah kha an phu ah “ahmasabik luh awk ah” a hruai. Cucu “amah i lam hmaisatu nihna asi” tiah Sr. Alicia nih a chim.

Asinatein, Sr. Alicia caah a mit he a hmuhmi nakin a hleideuh. Amah i mah lungduh rian cazin chungah nu pakhat i biaknaklei phu i hngahhlang mi thil  hna an i tel, cuhna cu ‘ca`tial, carel le cawnawk i chiahmi timhchungnak hna’ an si. Asinain, amah pumpak he pehtlaimi ‘arfi ngang in zohnak, coffee dinnak, mupi hna le caan karlak chan hna i phuanmi fianhternak  hna le adang tampi an um.

Sr. Alicia cu Chicago he aa naihmi sifakmi vengah biaknaklei cawnpiaktu saya rian`tuan in a um liopi asi. Bawipa Thisa cu cawnpiaknak khan i thinlung asi bantukin ngakchia pawl i an tonmi thinlung zong asi tiah Sister nih a fianhter.

Ngakchia tete nih Bawipa thisa chungah Jesuh a um timi an zumhkhawhnak hnga caah zeitindah amah  nih a sawm timi tehte a khang. Keimah nih a holh kholomi ngakchia pakhat ka ngei i thla hnih a ruahhnu ah Bawipa thisa he pehtlaimi cawnnak caah  Jesuh i hmanthlak pakhat ka suaiter. “Amah nih alai ah vailamtahnak a um i a pummi zuk pakhat a suai. “Zeidah na suai? ka ti. “Pathian, Pathian” tiin nolh lengmang in a suaimi changreu hlum zuk sawh buin a chim.

Sr. Alicia i mission cu atu ah United States Bishop’s Conference i hramthawhnak in rampi ah a karh cuahmah lio mi asi. Chicago nitlak lei ah April 2022 in an dirhmi “National Eucharistic Preachers” siangpawl pawl kaimi retreat ah rian`tuan a bawmh. Hi siangbawi pawl cu Bishop pawl i “Rampi Bawipa thisa nunter `thannak” he pehtlaimi phu ah asangbik phungchimtu pawl an si. Nunter`thannak cu 19 June, Corpus Christi puaipini ah thawk asi lai i, National Eucharistic Congress puai 2024 ah khar asi telai.

Hi biaknak le diocesan siangbawi pawl cu “Bawipa Thisa Nunter`thannak- Eucharistic Revival) i hmaisuang hmun ah an um. Sr. Alicia nih a luancia mi `thal lio ah Nunter`thanak i executive committee ah rian`tuan  hram kaa thawk i adang tampi lakah khuaruahhar awk in abiapibik ah Catholic hruaitu upa pawl tampi an i tel a ti.  “National Eucharistic Preachers” an cang hngami siangbawi tampi he co-ordinator pakhat in hleice rianthiah ka sihnu ah hi mission ah kawhauh an sinak he pehpar in siangbawi pawl pakhat cio bawmh hram ka thawk i anmah pawl kha hngalhternak he bawmhnak ka pek. An lungthawhnak ah tlangbawi pakhat nih anmah pumpak cio kawhauhnak an nunter`thannak cu zumhkhawh lo asi ti  ka hmu. Siangbawi pawl nih mipi pawl kha Bawipa thisa leikam ah  Bawipa thisa in mipi lei i  hruai awkah abiapituk  mi rian an ngei caah asi tiah a ti. Hitlukin abiapit mi thil zeimaw zat bawmhnak thawngin amah pumpak i ‘Bupi chung i a rian’ kha biaknak lei rian`tuantu nu pakhat amah caah ziaza lei ah a `thanter cuahmah lio asi.

“Aa dawhngai mi laksawng pekawk ka ngei, keimah caah a ngaingai in nunnak pek  timi asi”

United States Bupi ca lawng siloin vawlei kakip i Bupi ca zongah Thiang Thlarau nih a nganngai mi khuakhangnak a ngei tiah ka zumh.  Kannih nih lampi ah chuak  dinglawng asi i kan lungthin hna kha Bawipa nih tongh dingah siang usih law a kut hna le a kehna in cang hna u sih. Sr. Alicia nih amah i nu biaknak lei i kawhauhnak cu Tipilnak Sacrament ah thukpiin hram a bunh i Bawipa Thisa ah abiapitukin pehtlaihnak a um tiah a chim. Adang nunnak in nun ding cu ka mitthlam ah a cuangkho lo a ti. Harnak dirhmun i a ummi mipi he um`ti le kan pawngkam i a ummi mipi pawl bantukin nifatin meithal awthawng kan theih tik caan paohah  ruahchanhnak ka ngei rih ko. Asinatein, ka `tihlo zeicahtiah Bawipa nih  hika hmun umawk ah a ka nawl i Jesuh cu keimah he hawikomh theihhngalh taktakin a ka komh i amah cu ka thazaang caah a hrampi asi a ti.

Source >> Vatican News

https://rb.gy/zaetmm

Add new comment

10 + 8 =