POPE FRANCIS I AHNUBIK KHUALTLAWNNAK (SINGAPORE)

Singapore: pope Francis i asia le Oceania a tlawnnak a hnubik

Pope Francis cu nihin ah Singapore a phan lai, Asia-Pacific khualtlawnnak a donghnak bik a dirnak a si. Pope Francis cu Singapore ah nihin phanh dingin chiah asi.

87 kum asi cangmi Pope i kilometer 32,000 khuallam cu Indonesia in aa thawk i Papua New Guinea le Timor-Leste nih an zulh i atu cu a dongnak a phancang lai. 

Singapore a tlawnnak cu 37 kum hnuah a voikhatnak Pope asi i, hmunum catholic phu le hmunum hruaitu hna nih an i ruahchan ngaingai. Pope Francis cu nihin ah Singapore a phan lai, Asia-Pacific khualtlawnnak a donghnak bik a dirnak a si.

Pope cu September 11 in 13 tiang Singapore ah um dingin timhtuahnak a ngei, a khualtlawnnak ah ramkhel le biaknak lei hruaitu hna he tonnak, mipi pumhnak (Missa) le biaknak karlak biaruahnak hna aa tel.

Pope Francis cu Singapore ah nihin an ramcaan zanlei 2:15 pm hrawngah a phan lai tiah zumh a si. Amah i a hmasabik tonnak caankhiah mi cu St. Francis xavier Retreat Center ah Society of Jesus (Jesuit phu) chungtel hna he pumpak tonnak a si.

Nilini ah Pope cu Parliament Innpi ah phungning tein donnak an tuah lai i, cuka ahcun Singapore President Tharman Shanmugaratnam le Prime Minister Lawrence Wong he tonnak an ngei lai.

Cuni tlaideuh ah National University of Singapore (NUS) ah tuahmi puai ah aa tellai i President Tharman he ramchung ngawlngeitu hna le ramdang palai hna sinah bia a chim lai.

Pope a tlawnnak i a biapibik mi cu National Stadium ah tuahmi pumhnak (Missa Raithawinak) a si lai i, Pathian biaknak ah minung 50,000 an i pum lai tiah ruah a si.

Stadium luhnak kutka cu 1 p.m. ah on a si lai, Missa tuah caan sml 5:15 p.m. hlan ah Pope cu amah i motor he 4:30pm in hmun a tlawn lai.

Ningani ah, Catholic Junior College ah ramchung mino hna he biaknak dangdang he biaruahnak an tuah hlanah Pope nih St. Theresa's Home ah tar pawl a tlawn hna lai. Singapore in a chuahnak ding cu chun hlan deuh teah a si lai.

Singapore tlawnnak cu tuanbia ah a cang, zeicahtiah a donghnak bik Pope tlawnnak cu 1986 ah Pope John Paul II nih caan tawite a dinh lio ah a si. Mah puai tuahnak ah volunteer 5,000 leng nih an bawmh hna, cu hna ah cun hlasak thiam 1,600 le ralvengtu hna 650 leng an i tel.

Singapore ram i Catholic Khrihfabu cu 1800 kum in a hram aa thawk i, atuah zumtu 395,000 hrawng a bawmh (rianh) hna, tiah a donghnak bik milu relnak nih a langhter. Mipi nih Pope donnak le daihnak le lungrualnak kong a chimmi theihnak caanṭha kha lungtho tein an hngah.