Sister Andre cu Feb 11 ni ahkhan kum (118) a tling cang

Europe ram i a kum upabik le vawleicung ah a pahnihnak a kum upabik zg a simi Catholic Sister Andre cu Feb 11 ni ahkhan kum (118) a tling cang Sr. Andre cu 1904 kum, Feb 11 ni ah a chuak. Cucaah Sr. Andre cu Europe ram i a kum upabik mi a si lengah "the Gerontology Research Group's (GRG)" cazin khumhmi ah vawleicung a pahnihnak a kum upabik mi zg a si rih. Sr. Andre i a minfak cu Lucile Randon a si i, France ram chaklei, Ales timi khua pakhat ah a chuakmi a si. Amah hi Baptist biaknak in a tthang i, Marseille khua ah hngakchia zohkhenhnak (ကေလးထိန္း) rian le Paris khua ah Sayamah rian zong a rak ttuan. Sr. Andre cu kum 19 a si hnu lawngah Catholic biaknak ah a lut i, 1944 kum ah Daughters of Charity Sister phu ah a lut. Kum 40 a si ah Sister cannak a hmuh. 2009 kum ah Sr. Andre cu Tar Sister pawl zohkhenhnak hmun ah aa tthial. Amah hi kan hnu kum, Covid zawtnak in a zaw ve nain vawleicung ah covid zawtnak in a damtthan mi ah a kum upabik tiin philh lonak ding roca zong an ttial.