Bawinu Mary Vancung ah Cawinak Puai

The Assumption

August, 15

BAWINU MARY VANCUNGAH CAWINAK PUAI

 Bawinu Mary cu vawleicung a hnubik a umnak ni ah Vancungram thil tikhawhnak huham ah a pum he a thlarau he an cawi tiah kan zumh. Ahman ko, zabu kum a thawk tein hi a hmanmi thil kong hi an rak chim cang. 1950 kum ah Pope Pius XII nih hi biahman kha zumhnak biathuk ah a chiah i Munificentissjmus Deus cathluan a chuah i a rak thanh. Bawinu Mary cu Efesa khua ah a hnubik a rak um i lamkaltu hna nih Bawinu Mary cu a thi taktak, a siloah aa hngilhmi a si ti kha fiang tein an chim lo.

A fiangmi cu amah cu rawhralnak um loin Vancung ram ah thawnh`han nak pakhat lawng ruahchan in cawinak a in. Hi bantuk tinvo a ngeihnak cu, amah cu Pathian nu a si i apum cu sualnak pakhathmanh nih aa neh lo caah a si. Bawinu Mary Vancung an cawinak kong zumhnak cu Bupi chungah mi vialte nih an zumhmi hlan Pupa tuanbia (Tradition) le Biathlam Bible nih a fehter. “Van ah khin khuaruahhar a simi hmelchunhnak pakhat a lang. Minu pakhat a lang i a thuamah Nika a si, Thlapa kha a ke in aa lamh i a lu ah Arfi hleihnih bawiluchin aa chinh. (Biathlam; 12:1)

Add new comment

9 + 2 =