St.John of the Cross

St.John of the Cross

December, 14

ST.JOHN OF THE CROSS (SIANGBAWI, BIBLE THIAMSANG)

          St. John of the Cross cu 1543 kum, Spain ram Fontivenros khua ah a chuak. Kum 20 asiah Cross John mithiang min laakin Medina khua i Carmelites bu ah alut. “Sifah temhnak pakhat tal in loin hi vawleipi lanhtak hlahning” tiah a nunchungah atu le atu thla a rak cam. Siangbawi cannak a lak hnuah Albert of Vercelli 1209 i a harmi upadihram he pumkhat sinak lam kha zulh dingin caan`ha a rak hmuh. 1568 kum ah Avila khua in St. Teresa he hmunkhatin bu chungtel hna pakhat lawng a dang tein umnak, toidornak, semrel thiamnak phung zulhin i zuamnak Zateik Sianginn thar a tuah `han.

          Cu bantukin remh`hannak a tuah tikah, bu chungtel hlun a cheu cu vailamtung Johan cungah an thin a hung i ralchanh (doh) tu a si tiah sual an phawt i thong an thlak. Thong chung a um lioah “Thlarau lei Pathian hlatawi le sau hna” le “A nungpeng mi dawtnak mei alh” hla hna kha a rak phuah. “Zan muih chungin Thlarau” timi hla chungah “Sifahharnak tampi lakah ka lut rihlo ahcun Pathian `hatnak le rumnak le fimthiamnak hna kha ka hmu kho lai lo,” tiah a rak `ialtak.

          Voikhat cu Cross John cu upadi a buarmi Siangbawi Fr. Diego kha i remh `han dingah hawikomhnak in rak ralrin a pek. Asinain cu Siangbawi pa cu i ngaihchihnak um loin ram chung khua kipah a vak i Cross John kha doh in a thangchiat. Cucaah Cross Johan cu tlunkalnak a harnak peng Ubeda ah a rak i `hial i cu hmun ahcun 1591 kumah a rak thi.

Add new comment

1 + 0 =