Mithiang Don Bosco

Mithiang Don Bosco

Don BOSCO (1815-1888)(SIANGBAWI)

            Salesian bu a dirhtu St. John Bosco cu 1815 kum, Italy ram, Turin khua pawng i mi sifak chungkhar in a chuakmi a si. Kum (9) a si ah, ngakchia tete phu khat hna cu puarhrang ngaimi saram ah an i cang i a hnu bik ah a nunnem mi Tuufate ah an cang ṭhan, tiah mang a rak manh. Nu Mary cu Bosco lu cungah a kut a chuan i hi saram hna an sining cang kha a rak hmuh cang hna bantukin a khuachung ngakchia hna kha khawmh hram a rak thawk i Pathian bia cawnpiaknak, Biakinn ah pumh pi nak hna kha a tuah pi hna. Cu ngakchia hna kha Baar lek thiamnak, mitleh piaknak hna atu le atu a tuah pinak hna caah an uar ngaingai.

            Kum (16) a si ah, Chery khua Siangbawi cannak Sianginn ah a rak lut. (Rector) Siangbawi nih John Bosco hi Pathian auhnak a si ti a hngalhnak cu a phungchimmi vialte kha pakhat hmanh bau loin John Bosco nih a chim ṭhan khawh dihnak in a si. 1841 kum ah Siangbawi cannak a lak hnu ah Turin khua ah um ding in rian an pek. Cu khua ah thongtla hna, mino hna le lam cung vakvai ngakchia hna caah a thazaang chuah in a rak ṭuan. Ngakchia hna nih Khrihfa nunzia le ṭuanvo i cawn khawhnak caah “St. Francis desalle Sianginn” an rak hon. Amah cu mithiang pa i a nunnemnak kha a uar i a Sianginn on  khawhnak caah mirum nu pakhat nih a hlut mi inn khan (sawhsawh khaan) tiang in St. Francis hmanthlak kha a hmuh ṭhan hoi tikah a nawl aa cawn ṭhan. Thabatkhawh lo tiangin a ṭuanmi a rian ah a nu Margaret nih thazaang a pek zungzal.

            A ding felmi Ramchung fa hna le a ṭha mi Khrihfa an sinak hnga aa zuamnak caah John Bosco kha Kedan ṭhit (tuah) ser nak, Thilṭhitnak le cauk namnak hna caah rianṭuannak zung (workshop) a rak tuah piak. Mipi pehtlaihnak lei lamsul hna a biapit zia kha a hngalh caah cauk le Mekazin hna kha zanṭim tiang an rak ṭial; Amotto cu “Thlarau hna kha ka pe law, a tangmi vialte kha i kal pi” ti asi.

            1859 kum ah Salesian bu kha a dirh. 1872 kum ah St. Mary Mazareno he hmunkhat in “Khrihfa hna bawmtu Nu Mary fanu hna” bu kha a ser ṭhan. Bu pahnih kha  bawmh khawh dingin John Bosco cu a inn bakah Salesian Thlarau lei a zul i a keng kho tu “Salesian i tel in ṭuannak” kha a rak ser. 1888 kum ah Don Bosco cu arak thi i 1934 kum ah mithiang sinak an pek.

Add new comment

1 + 0 =