Bia le Tuahsernak

Bia le Tuahsernak

Sacrament tuahnak cu Khrih le Thiang Thlarau chungah Pa Pathian fale hna nih an Pa Pathian he an i tonnak a si. Mah tonnak cu biaruahnak bantuk a si i tuahsernak le bia an si. Angaite tiah cun tuahsernak hna cu holh pakhat a si cang. Sihmanhsehlaw, Pathian bia le zumhnak lehnak cu an i kawmh awk le an sinah nunnak a pek awk a si. Biaknak tuahsernak nih Pathian Bia nih a phuanmi kha a sawh, a hmuhsak. Pathian nih a hram a vun thawhmi zumhnak le a miphun hna nih mah zumhnak an tehnak a si.

Pathian Bia biaknak cu sacrament tuahnak ah a herh ngaimi a si. Zumtu hna zumhnak kha cawn awk ah Pathian Bia he a rami hmelchunhnak kha chimbik ding a si. Bia cauk (Bible) rel awk cauk maw a siloah Bible), upatnak (atlaang in kalnak, rimhmui khanghnak, phazawngdan), phungchimnak hmun (lecton or ambo), theih khawh awk le ruah khawh awk in relnak, phung chimnak le aa pummi hna nih lehnak, (aunak, lungthin in ruahnak litany, zumhnak phuannak.

Biaknak ah hmanmi bia le tuahsernak cu tthenkhawh an si lo, hmelchunhnak le cawnpiaknak an si i an sawhmi kha an tlinter a hau. Thiang Thlarau nih zumhnak kha a vun hlauh tikah Pthian Bia theihthiamnak lawng a pe lo, sacrament thawingin a tlanhmi Pathian khuaruahharnak zong kha a umter ve. Fapa nih a tlintermi Pa rianttuannak kha Thlarau nih a umter i a pek.   

Add new comment

1 + 0 =