Jesuh Khrih nih zeitindah a chim?

Nawl Ngeihnak

Sualthlahpiak khawhnak nawl ngeihnak

          Midang sualnak kha na ngaihthiam ahcun cu a sualnak cu thlahpiak a si lai, cu mipa sualnak kha na `em a si ahcun van ah a sualnak kha `em a si ve lai a ti. Mt. 16:19 "Cun vanpennak tawh hna cu kan pek lai i vawlei ah na hrenh kanhmi paoh cu van zongah hrenhkanh an si ve lai i, vawlei ah na hun piak mi hna paoh cu van zongah hunpiak an si ve lai." tiah a ti. Hi bia hi Peter kha hruaitu sinak a khinh lio ah Jesuh nih a chimh mi a si. A hnu zeitik hmanh ah hi bia hi a chim ti lo. Hihi a nganbik mi nawlngeihnak (aanaa) a pekmi a si. Peter chimlo, midang aho hmanh a rak pe hna lo i a pe ti hna lai lo. Peter pakhat lawnglawng a pek.

          Hi nawlngeihnak cu amah (Jesuh) a thawh`han hnu ah voikhat a chim `han. Johan 20:23 ah, Ahohmanh an sualnak nan ngaih thiam hna ahcun ngaihthiam an si i ahohmanh an sualnak nan ngaih thiam hna lo ahcun, ngaihthiam lo an si ve ko," tiah a zultu hna sinah a chimh hna ti kan hmuh. Cucaah Jesuh Khrih a thih hlan ah Peter pakhat lawng nawl ngeihnak a pek i thihnak in a thawh`han hnu ah zultu an dihlak kha nawl a pek hna. Aa thleidannak cu voikhatnak Peter sin nawl a pek lio ah "Nanmah" ti mi biafang aa tel lo i, a hnu Jn. 20:23 ahcun, "Nanmah" timi biafang a hman caah zultu an dihlak kha nawlngeihnak a pek hna ti a fiang. Cucaah Bible kan rel tikah rel sawhsawh si lo in theihthiam, hngalhthiam le ruahchih in rel a herh. Zultu Pahlei khat i nawl ngeihnak (aanaa) cu Peter sin in a ra mi a si lo, Pathian sinin dairek in a ra mi a si, ti kha thei u sih.

          Lamkaltu 10:43 ah, "Amah thawngin amah a zummi paohpaoh cu sual ngaihthiamnak an hmuh lai tiah prophet vialte hna nih amah kong kha tette an rak khan," tiah a ti. Sual ngeihthiamnak an hmuh tiah a `ial ... zeicah? Misual an si, sualnak an ngeih caah a si. Zeicah sualnak cu an tuah? Zeicah an sual? Zulhawk phung(upadi) kha zulh lo in an buar caah an palh, an sualnak cu a si.

          Asi ahcun zulhawk phung cu khoika in dah a rat kun; Lamkaltu 16:4 "Cun khua tampi palpah in an kal tikah, zultu hna le Jerusalem i a um mi upa hna nih zulhawk ah an chiahmi biakhinh nak kha zulhawk in an thanh pah lengmang hna, tiah zumtu Khrihfa hna caah zulhawk phung (Sikaan upadi) an serpiak timi hmuh khawh a si. Hihi keimah nih ka chimmi a si lo, Bible thiang nih a chimmi a si.

          Zulhawk phung serpiak a si mi kha zulh lo, an buar ahcun zeidah a cang lai, sual a si lai, sualphawl a si lai a sual ahcun sual ngaihthiamnak a hal lai. Zumtu pakhat a simi nih sual luatnak vel covo a ngei. Hihi Bupi nih pakhat nak ah a sermi zulhphung (sikaan upadi) a si. Asi ah, Khrihfa Bupi nih hi bantuk zulhphung (sikaan upadi) kha sernak nawl a ngei maw? tiah biahal awk a um `han. Angei ko. Aho nih dah an chimh? Bible nih a kan chimh. Zeicahtiah Khrihfa Bupi nih `uannak nawl a ngei. Cucaah nawlngeihnak (aanaa) le `uan (tuah)nak nawl timi hi hngalhter kan duh hna.

          Hebrew 13:17 ah Khrihfa bu (Bupi) hruaitu nawlngaih awk a kan fialnak kha fiang te in kan hmuh. "An hruaitu hna kha an nawl ngai hna u law, an tangah i dor u. Zeitintiah nan kong a chimtu le nan nunnak a kilvengtu an si. Cucaah nan ca `hathnemhnak a ngeimi an sinak hnga ngaihchia lo te in le lunglawm bu tein `uanter ko hna uh," tiah a ti caah, hruaitu hna an nawlngaih awk kha a bik in a kan fialmi cu a si.

          Mirumpa nih a ei bangmi rawl `il`awt kha Lazaru eiter lo in uico a pek. Cun, mirum pa nih, hell ah a um tikah Abraham sinah a nawl, Lazaruh (vancung ah a um cang) kha hei ka thlahpiak law, a taangrih mi a nau le Pahnga hna sinah hi nganfahnak (Hell) hmun i an rat sual venak hnga lo hi kong hi tette va khang seh," tiah a ti. Abraham nih Moses le profet an ngei ko hna. Annih nih an bia kha va ngai ko hna seh tiah a ti. Pathian nih a thlahmi an um. Vawlei cungah hin Khrihfabu(Bupi) a um. Bupi nawlngaih awk a kan fial. Khrihfabu nawl a ngai lo mi cu dantat awk a si. 2Korin 10:6 ah "Cun nan nawl ngaihnak kha a tlam a tlin tikah, nawl ngaih lonak vialte dantat ding cu timh cia dih a si cang," ti kan hmuh. Cucaah dan peknak nawl le tuah piaknak nawl a pek. Khrihfabu(Bupi) kong a hngal rih lo mi sinah fiangfai tein hngalhter kan duh hna. ~ihnung deuhmi cu Mathai 18:17 ah, "Cun an bia kha a ngai duh lo ahcun Khrihfabu ah va chim. Cun Khrihfabu bia hmanh kha a ngaih lo ahcun Gentile le ngun khuai khawl tu hna bantuk in va zoh ko hna"  tiah a ti. Cucaah Khrihfabu nawl a ngai lo mi cu va `hawl a ti.

          Pakhatnak ah dan a tat, Pahnihnak ah dawi le `hawlnak nawl a ngei. ~hawl le dawi a ingmi pakhat na thei maw? Martin Luthar a si.

          Nawlngeihnak(aanaa) hi Khrihfabu(Bupi) ah a um. Mi nih serchom mi a si lo. Bible ning in a um mi a si.

          Titas 3:10 ah "~hencheu nak a chuahpi tu cu voikhat, voihnih tiang chim hrin law, cu hnu ahcun chuah ko," tiah a ti mi kan hmuh rih.

          Jesuh Khrih nih Khrihfabu kha a rak sak. Nihin ah bu `hencheu zeitluk in dah an tam cang. Hihi zeiruang ah dah a si hnga? Na ruat bal maw? Nawl an ngai lo. zulh phung an buar caah a si. Khrih cawnpiaknak bia hmaan kha an ralchanh caah a si. Khrihfabu chungin lengah an chuak. Ahmaan mi chim phuan awk kha an tlolh.

          Bupi(Khrihfabu) kong le phungchim Saya deu hna kong Bible ah zeitindah a um ti zoh tuah u sih. Minung lungduh ngai dingin phungchimtu saya an um maw? An um tuk. Hmailei zongah an um rih lai caah kum2000 pinlei ahcun phungchim saya zeitluk in dah an tam te lai, an tam liangluang ko. Cu tam liangluang phungchim saya hna hnu an zul te lai, tiah Bible nih hlan kan in a rak chim cang. A luancia kum2000 lio te in Paul cu a thin a rak phang cang. 2Timote 4:2-4 ah Paul nih, "Abia kha phuang ko! Caan rem ah siseh, caan remlo zongah siseh timhcia in um zungzal. Lungsaunak le cawnpiak nak he an palhnak kha hmuhsak hna; sii hna law forhfial hna, zeicatiah annih nih cawnpiaknak hmaanmi kha celh ti loin cawnpiak nak thar kha theih an duh lengmang caah anmah duh ningin a chimtu cawnpiaktu hna kha anmah caah an i pumh hna lai caan kha a ra lai. Cun an hna kha biatak ngaihnak in an mer lai i tuanbia tu kha an ngai hna lai." tiah Timote sinah ca a kuatmi kha fiang tein kan hmuh. Minung cu biatak kha ngai duh lo in mah duhnak kha an zulh lai i an theih duhmi bia lawng a chimtu saya an kawlnak caan a phan te lai. Annih cu biatak kha ngai duh lo in tuanbia lawng kha an ngai te lai, a ti.

          Tuchan phungchim saya tampi nih zeidah an chim. Tlangbawi(siangbawi) sinah sual ngaihthiamnak (sual i thlah) a hau lo. Tlangbawi hna cu minung pei an si ko cu, an timi nan theih bal cio ko lai. Nannih zong nan hna a thak cang (nan celh ti lo) tikah, a si khe ko. Tlangbawi sinah sualnak va phuan cu a herh theng maw, tiah lung aw`awm in nan um cang. Lunghrinhnak an ngei cang lai. Cu ruangah saya tampi hnu va zul hlah uh, tiah Bible nih a khamh mi a si. Ramleng phan kan fale tampi nih an hna a thak cang caah an celh ti lo i Saya (Pastor) tampi hnu an zulh cang.

          Cuti a si ahcun, Saya tampi hna cu zei bantuk dah an si hnga, Pathian nih a thlah mi maw, thlah lo mi? Keimah nih ka thlah mi a si lo, Jeremiah 29:23 ah, "Amah nih mihrut bantuk in thil an tuah caah hi `hatlonak hi an cungah a tlung lai, mi nupi cung sualnak an tuah i ka min in lih an chim. Mah hihi Bawipa duhnak he aa ralchanh mi a si, keimah hi a theitu le a hngalh pi tu ka si," tiah Bawipa nih a ti. Keimah nih ka thlahmi hna an si lo caah biatak kha an chim lo i Pathian kha an ralchanh tiah a ti. Saya tampi nih a fawi te in an chim cio, cu a si caah cu bantuk saya hna zumh lo dingin Bible nih fiang tein a kan chimh. Cunak in fiangdeuh in a kan chimh rih mi cu; cu bantuk saya(pastor) tampi hna cu zeicahdah saya(pastor) an `uan ti kha Bible zoh rih u sih. Rom 16:17-18 "U le nau hna, `hencheunak a chuahpi tu hna le nan rak cawn cangmi cawnpiaknak he ralchanh in tluk rilhnak a chuahpi tu hna kha i chingchiah hna u law, va hrial hna u," tiah kan forh hna. Zeicatiah cu bantuk mi hna cu kan Bawipa Jesuh Khrih rian a `uanmi an si lo, anmah le an paw caah rian a `uanmi an si. Pathian duhning in an tuah lo, anmah duhning in an pawcawmnak caah an chim. Nawlngeihnak (aanaa) an ngei lo. A sual a palhmi `hawlnak, dantat khawhnak nawl chinchin cu van ah a um. ~hawl le dantat cu chim hlah minung (member) pakhat a zor ahcun tangka pharkhat a zor lai ti an phang tuk. Khrihfa chungtel Pahra zor hna sehlaw tangka zeizat dah a zor lai?

          Bible cathiang timi hi Bawi Jesuh Khrih a chuah ka in a thih tiang ningcang te in an `ialmi a si lo. Mithiang Mathai nih amah aa cinkenmi a laak i a `ial. Adang pakhat a vun theih `han tikah a `ial `han. Cucaah pakhat le pakhat aa pehnak a um lo. Cuticun Bible ca a rak cang. Bible kan rel tikah i ralrin ngai a herh. A biafang kha theih a herh bantuk in, a minung hna (y&dowf) hi a ho te dah an si timi zong theih a herh i cu lio thil sining tuanbia (ordkif;) zong theih a herh rih.  Zeicatiah Pathian nih a chim a cawnpiak tikah a fawimi zong a chim, fawilo har lo zong a chim i a harmi he a har lo mi he a chim. Saya tampi bantuk in a cawnpiak ko.

          Afawi bikmi cawnpiaknak cu zeidah a si? Zumhnak thawng`ha a si. Cucu zeihmanh a thei rih lo mi, khuachia a bia mi, lawki mi hna kha a cawnpiak hna. Annih cu Khrih a zummi hna an si rih lo. Mah hna hi, "Ka sa a ei i ka thi a ding lo mi cu vancung pennak an co lai lo," timi va cawnpiak awk an `ha rih lo ti kha a hngalh. Cuticun phung va chimh va cawnpiak colh hna sehlaw zeidah a lawh hnga? An zaamtak dih lai a si lo mei. Cucaah "Keimah kha ka zumh uh, tipilnak ing uh, vancung ram nan co lai," tiah a cawnpiak hna. Nga Pumhnih le Changreu tlangnga in mi thongnga rawl a dangh hna i, cu Nga le Changreu an ei ni thawkin zumtu an rak tam deuh. A fiangtuk mi cu Nga le Changreu an ei duh caah a si.

          Bawipa nih Kumthum chung phung a chim tikah hmasa a chimmi le a hnubik a chimmi aa khat ti lo. Afawi mi in a har deuh mi lei ah duhsah in a chim. Saya tampi bantuk in a fawimi lawng a chim lo. Ahnu bik lei sangah zeidah a chim? Ngakchia bantuk in nan nun nan i thlen lo ahcun vancung pennak nan co lai lo, ka thi a ding i ka sa a ei lo mi cu vancung ram an phan lai lo, a ti. A hartak cang. Cucaah Bible kan rel tikah kan i ralrin awk a si. Zeitik caan, khoika hmun, a ho te sinah a chim timi theih a hau. Mipa pakhat nih a `hami saya zungzal nunnak co awkah zeidah ka tuah lai? Biakinn ah kaa pum peng, sikaan (zulhphung) ka zulh (tuah) dih, thil`ha lawng ka tuah caah vancung pennak ro na co lai, timi a phi (bia lehnak) kha aa ruah chan. Jesuh nih cu cu a theih, zeitindah a leh kha? A har tuk, kei nih cun ka tuah kho lai lo, Nannih zong nan tuah khawh lai ti ka zum lo. A har tuk cang.

          Cucaah Bible nih a tling cikcek a timi cu, a fawimi zong, a harmi zong, fawi lo harlo zong aa tel dih caah a dihlak in laak awk a si. Hihi cu zulh awk a har tuk tiah a fawimi lawng i laak hlah uh. Saya (Pastor) tampi nih an duhmi lawng an lak i an chim, an cawnpiak. Nihin Pathian a thei a zum rih lo mi sinah phungchim kan i timh tikah zei in dah kan thawk lai? A har mi in maw, a fawi mi in dah?

 

 

Add new comment

14 + 3 =