Mithiang Peter le Mithiang Paul Biakinn Pi pekchanhnak

Mithiang Peter le Mithiang Paul Biakinn Pi pahnih pekchanhnak (Dedication of the Basilicas of Sts. Peter & Paul Aps)

Arumra i a lianngan bikmi lamkaltu pahnih hna Biakinnpi hna cu kum zabu 4 ah Constantine Siangpahrang nih a rak sak. St. Peter Biakinn kha lamkaltu hna chungin Lubik pakhatnak a simi St. Peter pumpak nih biatak caah thihnak a rak innak Vatican tlang cungah an sak. St.Paul Biakinn pi cu St. Paul a lu an tannak hmun pawng i The Valican Way ah an sak.

St. Peter le St. Paul hna cu AD 64 kumah Nero Siangpahrang nih a rak thawkmi hremnak i a laar bikmi saram bantuk in thahnak le hremnak tuar in Khrih le a Bupi caah thihnak a ingmi hna an rak si. An Biakinn hna cu kum 2000 leng a rauh tiang Pathian biaktambik an rak nak hmun a si. Vawleicungkip Bishop hna cu Bawipa Jesuh le Bupi rianhnak an i pekchanhnak i hrim`han dingah lamkaltu hna thlanah kum 5 dan voikhat an va leng `heu tawn.