Pathian Muisam

Pathian nih minung kha a mah muisam in a ser hna

Pathian muisam kengding in a ser, pa le nu in a ser hna, (Gen 1:27). Minung hi sermi thil vialte lakah phundang tein a um. Cucu Pathian muisam in ser a rak sinak ah hin kan hmuh khawh. Minung sinak ah thlarau le pumsa sinak, Pa le nu ti in a um ser kan rak si. Pathian nih hawikom ah a ser hna.

Sermi thil vialte lak ah minung lawng nih Pathian kha a hngalh khawh i a dawt khawh. Amah lawng hi Pathian nih a mah caah a duh. Amah lawng hi mah amah Pathian hngalhnak le dawtnak in a mah Pathian nunnak kha hrawm awkah auh a si. Mah tinhnak he cun Pathian nih a ser. Hihi a hmaihngalnak kong a hrambik a si.

Pathian muisam in ser a si caah minung pakhat cio nih (person) timi minung sinak hmaihngalnak kha ngeih cio a si. Amah cu thil sawhsawh a si lo. Mi(person) pakhat a si.Amah le a mah aa hngalhkhaw, aa uk khawh. Amah lungtho tein aa pek khawh i midang he an i kom kho. Amah cu Pathian he biakamnak tuah awhah auh a si i sermi a dang hna nih an tuah khawh omi zumhna le dawtnak kha a pek khawh.

Pathian nih zeizong vialte kha minung caah a ser(Gen 1"28-30). Sihmanhsehlaw minung cu Pathian kha biak awk, dawt awk le sermi vialte kha amha sin pek tthan awkah ser a si. Minung a cangmi BIA i biatak chung lawngah hin minung kong biathuk hi a faing. Mithiang Paul nih, "Minung phun thawhkehnak hi minung pahnih sin in a si" a ti. Cucu Adam le Khrih an si... hmasa Adam cu a nungmi thlarau asi. Hmanung Adam cu Khrih a si. Hmasa Adam cu Hmanung Adam nih a ser i a mah muisam kha a khenh chih. Cucaah hmasa Adam sinak le min kha a lak. Cucu amah muisam in sermi kha a sinak kha a hloh nak hnga lo caah as i.

 Hmanung Adam (Khrih) cu nunnak petu a si. Hmasa Adam cu hramthawknak a ngei i hmanung Adam cu hrawmthawknak le donghnak(alpha le Omega) a si. Thawhkehnak pakhat te kan ngeih ruangah minung phun hi i khahnak kan ngeih. Zicaah tiah "Hringtu pakhat (Pathian) nih miphun vialte kha vawlei pumpaluk ah a umter dih hna". (Lam 17:27, Tob :8:6).