Rosary Siangpahrang Bawinu

October, 7

OUR LADY OF ROSARY

(ROSARY SIANGPAHRANG BAWINU 1571)

          Kanmah caah Rosary Siangpahrang Bawinu puai kha 1571 kumah St. Pio (5) V nak  nih Letpanko khua rili cung ral dohnak philhlonak caah a rak tuah. Turk ralkap hna an rak teinak Khrihfa tiralkap hna i teinak cu ngaknu thiang Nu Mary zohkhenhnak thawngin a si tiah kan ti khawh. Amah i zohkhenhnak kha a thiangmi Rosary camnak in hmuh, a si.

          Upat awk tlakmi hlan tuanphung ningin, duh nungmi thlacamnak kha mithiang St. Dominic sinah Nu Mary nih arak chimh mi a si ti asi. Salm nambat hna he aa lomi Maw… Mary i lawmko … thlacamnak cafang 150 kha, culio i careltu hna nih a sullam an theih kho lo. Maw … Mary thlacamnak a hramthawk lei cu Luka thawng`ha chungin laakmi a si i a pahnihnak lei cu Tradition, hlan pupa hna chimning hna fonh in laak mi asi. Biathuk 15 hna a simi lunglawmhnak biathuk, Ngaihchiat nak biathuk le khuaruahhar biathuk hna cu Nu Mary le Jesuh Khrih i a biapi an nunnak lamthluan kha a langhtermi a si. Paul VI nak nih Biathuk hna kha ruatchih loin Rosary camnak cu nunnak thaw a ngei lomi minung he an i lo, tiah a chim.

          Italy ram, Loretto khua i Biakinn ah an lakmi Litany hna kha kum 1592 lio Rosary thlacamnak ah an rak camchih Rosary pa (10) cam dih hnu paohah zulhawk kan cam mi (Maw … Jesuh, Kan sualnak vialte rak kan ngaithiam law …) kha kum 1937, Fatima khua ngakchia pathum hna sinah Nu Mary a rak lang lioah Nu Mary nih a cawnpiakmi hna a si.

          Thlacamnak pakhat lawng kha atu le atu kan cammi cu a kan simhtiah a timi hna sinah hngalhter duhmi cu Datpiaa hlun a simi, Kan dawtmi hna kha “Kan dawt, Kan duh” tiah voizeizat tiang kan ti hna hmanhah simh bia a umlo bantuk kha a si. A thianghlimmi Rosary cu Dawtnak muisam a si.