Asisi khua in Mithiang Francis

Asisi khua in Mithiang Francis 

ATHIANGMI PA (118-1229

          Siangbawi caannak Sianginn a thawktu mithiang St. Francis cu 1182 kum, Italy ram, Assisi khua ah a chuak. Mirum mingei chawdawrpa i fapa a si caah ralkap lei minthannak le vawlei nuamhnak chungah a caan a rak dihter. Kum 25 a si ah St. Domian Biakinn i thla acam lio ah Jesuh nih Vailamcung in, “Francis, Arawk cang tiin na hmuhmi Bupi kha va remh” tiah a rak fial. Cu hnuah amah cu mi sifak hna kha thilpuan le tangka peknak le Biakinn fate kha sak`hannak hram a thawk. Cucaah a pa cu a thin a hung i a ngeihmi thilri chawva hna kha a hal tthan.

Cutikah Bishop inn hmaiah a thuamthil hna kha aa phoih i “hi thilthuam hna hi ka pa nangmah ta an si, khahlan ahcun vawlei ka pa ka rak in ti, atu ahcun Vancung i a ummi kan pa lawngkha ka pa ka ti cang lai” tiah a rak ti. Kedan lo, a tlek a chiahrumi thilthuam he thlacamnak le sualdantat innak tuah nakin nun hram a thawk. Cu tuahsernak nih a hnuzul tampi kha an lung a thawhter. A tlu dengcang mi Bupi a bawmhchanhtu Francis kha Pope Innocent III nih a mangah a rak hmuh. Cu Pope nih cun 1210 kum ah Friar Minor,buthar kha a rak fehter.

          Francis cu Deacon cannak a hmuh hnuah relcawk lo khuaruahhar thil tampi a rak tuah. Amah cu thawngttha he pehtlaimi sifahnak le dawtnak zohchunh awkin Bupi kha a remhsak tthan. Thisa hnahnawhnak kha doh le namhlo dingah, ~hal ah thilpuan loin hlinglak ah a lut i, khuasik caan ah akik ngaimi hawhra cungah a tthu. Chaklei Africa um Muslim hna karlak i a zumhnak fektein a langhter. Khrismas caan lio i naute Jesuh chuahnak cawrawl ei nak kuang duhnung kan tuah tawnmi hi Grechew khua ah amah (Francis) sin in aa thawkmi asi.

Amah cu Avelna tupi pawng i rawl ulh in thla a cam lioah Bawi Jesuh i hma pa 5 a rak pu. Amah cu kokek cungah a ngeihmi a dong kholomi dawtnak a langhtermi, “ka u Nikaa pi le ka unu thlapa” timi Khrihfa hla a rak phuahtu a si. Amah (Francis) cu, “Keimah lei kap cun ka `uan dih cang, nanmah leikap tuahawk tu cu Khrih Jesuh nih in cawnpiak te ko hna seh,” tiah a chim buin, a kum 44 ah Potium Kola khua ah a nunnak a dih.