AUGUSTINE MITHIANG

Mithiang Augustine Puai
August (28)
Mithiang Augustine cu Bible thiam hna lakin fimnak thluak a ngan bik, a biapi bik mi (mi) hna ah pakhat asi ve. A chuahkehnak cu Africa Kontinent chaklei in asi. A pa cu zuk mi lem a biakmi asi. A nu Monica cu Khrihfa biaknak kha a zumh i abia mi asi. Augustine ahmet lio ah hawi ttha lo hna he komh in aum ca ah a zia za arawk i Manisius timi ahmaan lo zumhnak a zulmi asi. A nu cu a va pa kha Khrihfa luh ding a forhfial ca ah athih hlan ah Khrihfa ah a rak lut. A nu Monica cu ziaza rawh in lam apalh lio ah afapa zong kha a ziaza remh thlen dingah kum(12) chung a ttah bu in Pathian sin thla a cam hnu ah Bawipa Pathian cu a nu Monica i thlacamnak aw thawng kha a rak ngaih piak. Augustine cu Milan khua i Proffessor rian a rak ttuan lio ah Bishop Ambrose i phungchimnak kha a chel ah a va ngaihnak in Khrihfa biaknak kha athinlung in a rak duh ziar. Ni khat ah Augustine cu dum pakhatchung i aum lio. ah cauk pakhat kha i lak law rel tuah tiah awthawng a theih. A khuaruah har in cabuaicung i cauk kha a lak i a vun rel tikah,"Nuamhnak ah kaltuknak,zu din zuritnak,hor duh cuainak,vawlei rian ah thurhhnawmh nak, i sik velhnak le nahchuahnak kha hrial cio usih.(Rom 13:13) tiah a timi St.Paul i chimhrinnak bia hna kha a rel. Cutik ah hmakhatte ah alung aa thleng i chiatnak atuahtu nunnak kha ahlawt i Khrihfa ah a lut i Mithiang sinak hmun hma aphan tiang in um i tuah kel tuah lengmang duhnak thinlung arak chuak. Kum khua (30) asi ah Siangbawi cannak ahmuh. Ahnu a rauh hlan tthiam2 ah Hipona khua ca ah Bishop cannak ah an rak thim.
St.Augustine - Pray for us.