Bawinu Mary Thinlung Kuainak

September, 15

BAWINU THINLUNG KUAINAK PUAI (OUR LADY OF SORROWS)

            Nungakthiang Bawinu Maria cu a fapa Jesuh a temhin nakah a fapa he hmun khat in lungfahnak kha a inpi venak le a thlarau lei kapin matyr pakhat a si venak kha langhter ding caah hi kan nu a hleice thinlung kuainak kha i theih`hannak caah an pekmi min a si. Zumh ningkel bantuk in kan nu Maria a lung fakbiknak pa 7 in a um tiah an ti. Cuhna cu

1. Biakinn chungah Simeon phunthiangpa nih a rak chimchungmi bia
2. Izipt ram lei an zampi nak
3. Naute Jesuh Biakinn chungah a tlaunak
4. Afapa Jesuh Vailam a put buin Calvary tlang lei a kalnak
5. Afapa Jesuh Khrih Vailam cung a thihnak
6. Aruak kha vailam in an `humh i a nu `angcung a pomnak
7. Jesuh ruak an vuinak hna a si.

Nu Mary thinlung kuainak puai kha 1668 kum ah Nu Mary sal`uan piaktu bu nih an rak tuah hmasa i cu hnu in Pope Pius VII (7) nak chan, kum 1814 kum ah vawlei cung nih hi puai cu an tuah cio ve. Hi puai cu Bawipa Jesuh Vailam teinak puai hnu ni 15 nak ni ah an tuah nak cu Fapa Jesuh temhinnak ah Bawinu zong Fapa Jesuh he a in ve ti chim duhnak a si. Hi thinlung kuainak pa (7) he a naih bikmi pakhat cu Bawinu upat peknak in zarhte ni cu Bawinu ni tiah an ti hi a si.