Guadalupe Bawinu Mary puai

December, 12

GUADALUPE NU MARY (1531)

 Bawinu Mary cu 1531 ah Mexico ram Guadalupe khua, Yuan Diego sinah langhnak a hmuhsak. Anuam i aa dawhngai mi December 9 zingah Juan Diego cu Biakinn lei panh in a kal lioah vate hmete te hna i duhnung awthawng in nunnem tarnu pakhat min “Yuan Diego, Yuan Diego” ti in au thawng a theih. Lamkhattelei tlangbo ah khan a vun zoh tikah nika bantukin a tleu i mansung lung cungah a tthumi Nu Mary kha a vun hmuh. Nu Mary nih “Keimah; minung hna cungah tahchunh khawh lo dawtnak le zaangfahnak, bawmhchanhnak le khamhnak hna tuah khawhnak caah hi ka tlaang cungah Biakinn pakhat kha in ka sakpiak hna sehti ka duh tuk,” tiah a rak chimh.

Yuan Diego zong nih hmakhat te ah Bishop pa sinah thil sining dihlak kha a chimh ko nain a rak zumh lo. Cuticun harnak a ton tikah Diego cu langhnak a rak hmuhnak tlangbo lei ahcun a rak kir `han i vel he a khatmi Nu Mary sinah “Ka dawtmi Nu Mary, hi bantuk har ngai in `uanawk rian`uanvo caah a biapi i thil tikho mi pakhatkhat sinah langhnak na hmuhsak ahcun annih zong nih an i zumh lai i an tuah hnga. Kei tucu a hme tukmi le san tlailomi sifak pei ka si ko cu,” tiah a chimh `hanko nain Nu Mary nih, “Ka dawt ka fapa,… thaizing khuadei zingka ah Bishop sin va kal `han law, Nu Mary nih a ka thlah tiah va chimh `han” ti lawngin a rak leh. Juan Diego zong nih Nu Mary bia kha a ngai i Bishop pa sinah a va chimh`han.

Tutan cu Bishop pa nih khuaruahhar thil pakhat tal langhter dingin a hal. Cu tikah Nu Mary cu Yuan Diego sinah a langhtthan i cu hmun tlangbo cung i a hmuhmi hninsi par poah kha a `awh i angkifual in na fun hnuah Bishop pa kha na hmuhsak lai tiah a chimh. Nu Mary nih a chimh ningin a tuah i Bishop pa hmaiah cun a kaupiak. Cu bak ahcun khuaruahhar hninsipar pakhat chungin Nu Mary cu a lang.

Culanghnak a hmuh hnuah Bishop pa zong nih Nu Mary nawl a ngaih i cu hmun ahcun biakinn pakhat a sak. Cu Biakinn ah langhnak a rak hmuhsakmi angkifual upat pekchanhnak kha hlunghlaingai in a tuah. Guadalupe Nu Mary cu a in a rak thangchin lengmang hnuah American mi hna bawmtu Guadalupe Nu Mary a si ti fehternak an rak thanh.