John Rhys-Davies

Church POP English editor Jacqueline Burkepile nih Hollywood actor pakhat a si mi John Rhys-Davies sinah, mithiang Patrick i aa toidor ning siseh, muicawl a cuan lio i a cawlcangh ning cungah aa lung sak ning le Khrihfa bupi zumhnak cungah a hmuh ning cang hna he pehtlai in biahalnak a tuah.

John Rhys-Davies nih a timi cu: “Mah hi cu raltthat bak a si. Ka uar ngaingai. Mithiang Patrick cu a mak tuk. Aa toidor ning zong hi a hmaan mi toidor ning bak a si” tiah a ti.

“Biaknak lei kong he pehtlai in a zumhnak a fek tuk. Zeibantuk ruam kai nak hmanh a ngei lo. Pathian nih a ka chawnh ti zong aa hngalh i a nun lam thluan vialte zongah Thiang Thlarau Pathian nih a hruai i tuah ser ding vialte a rak hmuh sak.

An tlaih i sal ah an ser. An tuk an velh i a hlat ngainak hmun ramcar pakhat ah tuu run congtu ah an rak thlah. Duh awk zeihmah a um lo nak hmun ah an rak um ter. Cu ka hmun cu a kik tuk fawn i thi deng mang tiang hmah in a rak um.

Pathian nih a rak chawnh, Thiang Thlarau zong nih a rak chonh. Sihmahsehlaw aa rak i tinh mi sal cannak in zeitin dah ka luat khawh lai ti hi a rak leng mang tu zong a si fawn. Sal cannak in a rak zam i a miphun hawi hna um nak hmun ah a rak kir kho tthan. Sihmanhsehlaw, a rak hremtu miphun hna sinah khan kal tthan i an lung an i thlen khawh Pathian thawngttha an cohlan khawh nak hnga ding caah ka kir tthan lai tiin khua a rak ruat leng mang. Cu cu khuaruahhar minung pakhat a rak si nak kha a langhter nak cu a si.”

A tang lei link in zoh khawh a si.

https://bit.ly/2N3pUBS

Add new comment

2 + 1 =